Heima er bezt - 01.11.1956, Qupperneq 5

Nr. 11-12 Heima 345
-------------------------er bezt--------------------------------------
Til eru menn, sem hata hópinn
og hæða dulin rök.
Því hafa dúfur tekið tryggð
við turna og húsaþök.
Þangað ná ekki kattarklærnar
þó kuldinn sé öllum vís,
unz eldar af degi og rís úr rekkju
vor rjóða morgundís.
Til þess gerðumst við gestir jarðar
að glæða frið og líkn.
Þó hirt séu korn í húsagarði
er hópurinn allur sýkn.
Hann hefur búið á Betlehems völlum
og birzt við Jórdansfljót,
og fylgir þeim anda, sem fegrar heiminn
með fórnum og siðabót.
í gluggakistunni gátum við setið
og gægðumst þaðan inn.
Frá hjarta þínu fór yljandi elska
um allan hópinn þinn.
Er kvaddir þú, sem korninu stráðir
í kyrrðinni sumarglæst,
þá var eins og engill hefði hurðum
að himnaríki læst.
Nú hímum við svangar að húsabaki,
að hálfu grafnar í snjó.
Á gluggann þinn slær lýsandi leiftrum
frá ljósi, sem hvarf og dó.
Ef værir þú aftur horfin heim,
þá hlytum við líkn og skjól.
En það eru fleiri en við, sem verða
án vina næstu jól.
Við eigum margar sviknar systur,
er settar voru í búr
og hafðar þar til að skemmta skríl —
og skotnar upp við múr.
En aðrar eru á friðlausum flótta
um fjúkandi eyðisand
og flestar þeirra sjá aldrei aftur
sitt elskaða föðurland.
Við kysum allar að bera þér bréfið
og blessa þig enn á ný.
Verk þín minna á meistarann sjálfan
og munkinn frá Assisí.
Þú kemur í vor og veitir þeim gjafir,
sem veturinn lifa af.
En þeir eiga líka dýrlega drauma,
sem deyja við nyrzta haf.
(Endurprentun bönnuð).