Heima er bezt - 01.07.1985, Side 5

ÆSKA OG UPPRUNI
Leiðir foreldra minna lágu saman í Alþingishúsinu. Móðir
mín, Ólafía Guðmundsdóttir, var bóndadóttir frá Hörgs-
holti í Hrunamannahreppi, Árnessýslu, en átti frá tólf ára
aldri annað heimili hjá föðurbróður sínum, sem var um-
sjónarmaður þinghússins. Hún stundaði nám í Kennara-
skólanum um skeið en starfaði annars í Alþingishúsinu á
vetrum, að sumrinu var hún heima í Hörgsholti á búi for-
eldra sinna og í glöðum hópi 9 systkina. Ég hef ástæðu til að
ætla að móðir mín hafi verið vel lesin og ljóðelsk, og hún
var virk í félagslífi í höfuðstaðnum, einkum ungmennafé-
lagshreyfingunni.
Faðir minn, Einar Þorkelsson, var skrifstofustjóri Al-
þingis. Hann fæddist að Borg á Mýrum en ólst upp að
Staðarstað á Snæfellsnesi. Um tvítugt fór faðir minn að búa
að Búðum á Snæfellsnesi, um skeið var hann við kennslu í
Stykkishólmi og einnig verslunarstörf í Ólafsvík, en fluttist
upp úr aldamótunum til Reykjavíkur. Tók hann þar að
vinna við afskriftir á Þjóðskjalasafni hjá bróður sínum, dr.
Jóni Þorkelssyni þjóðskjalaverði, og einnig í skrifstofu Al-
þingis um þingtímann. Þegar skrifstofustjórastarfið var gert
að föstu embætti hlaut hann skipun í það 1914.
Foreldrar mínir giftust 1918, var hún þá 29 ára, en hann
51 árs og hafði verið tvígiftur, og tvískilinn, sem var
óvenjulegt á þeim tíma. í fyrsta hjónabandi átti hann 3
dætur, og samtímis 2 utan hjónabands, en í öðru hjóna-
bandi 3 dætur og einn son. Við erum hins vegar sex alsyst-
kinin, svo alls átti faðir minn 15 börn. (Sjá nánar í œtt-
frœðiyfirliti á bls. 237).
Elsta barnabarn föður míns er Lúðvík Kristjánsson,
sagnfræðingur og rithöfundur. Kom hann ungur vestan úr
Stykkishólmi til náms í Reykjavík og varð mjög hand-
genginn afa sínum og okkur yngstu systkinunum, líkara því
sem bróðir væri en systursonur.
Heimili foreldra minna stóð fyrst í Alþingishúsinu og
þangað komu með föður mínum tvö börn af öðru hjóna-
bandi. Ragnheiður yngri og Hrafnkell. Hrafnkell varð
stúdent 1923, aðeins 17 ára, og fór utan til náms í hagfræði
í Þýskalandi og Austurríki. Hann var að ljúka undirbúningi
doktorsvarnar, þegar hann veiktist af óðatæringu og lést í
Vín, 4. nóv. 1927, harmdauði öllum er þekktu.
Við vorum sex alsystkini og tvö þau elstu fæddust í
þinghúsinu. árið 1920 Arnkell Jónas, sem er nýlátinn, og
Áskell 1923. Um það leyti brast heilsa föðurokkar, hann lét
af starfi og fluttist til Hafnarfjarðar með fjölskylduna, en
þar mun hafa verið hagfelldara að búa þá.
Eftirlaunin voru lág og svo fór barnahópurinn stækk-
andi. Á haustdögum 1929 fæddist Þorkell, og lést móðir
okkar meðan hún lá á sæng að honum. Stóð faðir okkar nú
uppi 62ja ára með sex ung börn.
Árin í Hafnarfirði voru á ýmsan hátt eftirminnileg, þrátt
fyrir að efni væru tæp. Faðir okkar hafði fengið tóm til
ritstarfa, sem hugur hans hafði staðið til, gefið sér góðan
tíma til að spjalla við okkur yngstu börn sín og ganga með
okkur úti í hlýlegu umhverfi Fjarðarins.
Foreldrar Bjargar
Ólafía Guðmundsdóttir.
Einar Þorkelsson.
í Hörgsholti í júní 1929 á gullbrúðkaupsdegi hjónanna þar
Guðmundar Jónssonar og Katrínar Bjarnadóttur, móðurforeldra
Bjargar og sitja þau fremst fyrir miðju. Kjartan Guðmundsson
frá Hörgsholti tók myndina, hann var lengi starfandi Ijósmyndari
í Vestmannaeyjum. Önnur frá hægri á myndinni er Ólafía
Guðmundsdóttir með sonum sínum Áskeli og Arnkeli Jónasi.
H
V
Heima er bezt 229