Æskan - 01.11.1951, Side 3

52. árgangur.
Reykjavík, nóv.—des. 1951.
11.—12. tölublað.
♦
Á heilagri jólanótt fæddist frels-
ari heimsins. ■— Gnð gaf mönnun-
um sinn elskaða son til þess að
frelsa þá frá öllu illu og leiða þá
inn í ríki Ijóssins og kærleikans. Ef
við gleymum þessu, þá eru engin
jól, aðeins hátíðahöld; en mi mun-
um við þetta og erum minnt á það
á jólunum, því jólaguðspjallið er
alltaf lesið eins og það er skrifað í
öðrum kapítula Lúkasarguðspjalls
og jálasálmarnir eru sungnir með
fallegu lögunum, sem allir kunna.
— Jörðin er stór og fögur með
undursamlegum hlutum og himinn-
inn er hár og blár og víður. En
dásamlegast af öllu er, að okkur var gefinn frels-
ari. ■—- Guð eilífur, almáttugur og algóður sendi
son sinn frá dýrðarhásætinu, úr himnabústaðnum
niður til jarðarinnar. Þar fæddisl hann, sem lítið
barn, er lagt var í jötu. — Þið sjáið lmnn, sem
lítinn dreng og ungan svein, er þroskaðist að vizku
og vexti og náð hjá Guði og mönnum.
Einu sinni var lítill drengur, sem bað: Góði
Jesú, hjálpaðu mér til að vera eins og þú varst á
mínum aldri. Þannig sltuluð þið biðja. ■— I>ið sjá-
ið hann, þar sem hann gekk um kring, kenndi og
breiddi út faðm sinn og sagði við alla, sem átiu
bágt: Komið til mín allir, og ég
mun veita yður hvíld. Og við hjarta
hans þorna tárin af augum grát-
arnli barna. Þeim, sem lifa við á-
hyggjur og kviða gefur hann hug-
rekki og djörfung og þeim, sem eru
óttaslegnir gefur hann frið. Við þá
segir hann: Öttast ekki, Guð er með
þér. Þið sjáið hann ganga veg kær-
leikans allt til enda, þó hann yrði
þess vegna að líða þjáningar og
dauða á krossinum. Svo birtist
hann i upprisuljómanum á páska-
dagsmorgun. Hann er upprisan og
lífið. Fylgið honum.
Jólin koma á hverju ári með
birtu og yl, fögnuð og frið, alltaf eitthvað nýtt og
fallegt. En þau hverfa í djúp gleymskunnar, eru
horfin áður en varir. En eitt er þó stöðugt, frels-
ari heimsins er fæddur, þinn frelsari, Jesús Krist-
ur. Þetta gefur ykkur heilög jól. Þau gleymast
ekki, en búa i hjörtum ykkar þegar þið þroskist
og vaxið, er árin líða.
Guð gefi ykkur, kæru börn,
gle^ileg jól.
103