Æskan - 01.11.1971, Blaðsíða 63
greinargóð svör unga mannsins, gaf lion-
um falleinkunn.
Anatolí varð sem þrumulostinn og vissi
ekki, hvaðan á sig stóð veðrið.
„Ungi maður,“ útskýrði prófessorinn,
„þér hafið mikla hæfileika. En stærðfræðin
krefst manns heils og óskipts. Skák er
hættulegur keppinautur. Getið þér ómögu-
lega látið liana vera?“
Þetta gat Anatoli ekki þolað. Nokkrum
dögum síðar sótti hann um að fá að skipta
um háskóla og fara til Leníngrad. Hann
hætti við stærðfræði og lagði stund á
efnahagskerfi erlendra rikja. Það hefur
ugglaust liaft áhrif á ákvörðun hans, að
þjálfari hans, Semjon Furman stórmeist-
ari, býr i Leningrad.
Anatolí heldur upp á skák vegna þess,
að hún sameinar svo ágætiega list og
íþrótt og er að hans áliti heiðarlegasti
leikur, sem til er. Hér tjáir ekki að reiða
sig á hagkvæmar kringumstæður eða
heppni. Árangurinn fer eingöngu eftir
hæfileikum. Þess vegna er skák göfgandi:
hún útheimtir sjálfsaga og einbeitingu.
Fyrrverandi heimsmeistarar, Botvinnik
og Tal, urðu stórmeistarar tvítugir. Aðrir
skákjöfrar, jafnvel liinir alfremstu, voru
miklu eldri, er þeir hlutu þennan eftir-
sótta titil.
Við þekkjum aðeins ]>rjár undantekn-
ingar: Robert Fischer varð stórmeistari
aðeins 15 ára, núverandi heimsmeistari,
Boris Spasski, og Anatolí Karpov hlutu
titilinn 19 ára að aldri.
Þegar Anatoli lagði af stað á lieims-
meistaramót unglinga í Stokkhólmi, sagði
Spasskí: „Ég er viss um, að Karpov vinn-
ur þennan titil." Mikhail Botvinnik álitur
Anatoli lika efnilegasta unga skákmann-
inn i Sovétríkjunum og telur einn af kost-
um hans verá „eldheitan baráttuvilja."
Stórmeistarinn Semjon Fúrman er einn
reyndasti iærifaðir skákmanna i Sovét-
ríkjunum, enda liafa margir þeirra fræg-
ustu notið handleiðslu hans. Hann segir,
að Anatolí sé frábær hæfileikainaður í
skák og furðu þroskaður eftir aldri. Það
á reyndar við um allar hans athafnir.
Hann er að vísu ekki fullmótaður enn
sem skákmaður og hefur ekki skapað sér
sinn sérstaka stíl, en hann er aðeins 19
ára! Auk þess er Anatoli ekki aðeins að
húa sig undir skákferil, heldur einnig
lifsstarf.
„Kannski verð ég,“ segir Fúrman, „að
halda svolítið aftur af hinni öru þróun
Anatolis sem skákmanns, svo að hún komi
ekki niður á háskólanámi hans. En ég er
viss um, að við sjáum hann einhvern tíma
i liásæti skáklistarinnar. Það er aðeins
timaspursmál."
rá því land vort byggðist hafa
fiskiveiðar verið einn af aðal-
atvinnuvegum okkar íslendinga.
Öldum saman var það svo, að
aðalútflutningsvara okkar var fiskur, salt-
aður og hertur, en nú siðustu áratugina
hafa frystihúsin smám saman tekið að
sér æ stærri hlut i verkun fisks til út-
flutnings.
íslenzki fiskurinn er góð vara, komist
hann ferskur og nýr í vinnslu, og þvi er
það nauðsynlegt, að vandvirkt og velvirkt
fólk búi hann til sendingar á erlendan
markað. í hinum tæplega hundrað lirað-
frystihúsum viðsvegar um landið vinna
þúsundir karla og kvenna árið um kring
við fiskiðnað. Það var þvi sannarlega tíma-
bært, þegar Alþingi samþykkti síðastlið-
inn vetur lög um fiskvinnsluskóla.
Kennsla í skólanum hófst i haust i
húsakynnum Rannsóknastofnunar fiskiðn-
aðarins að Skúlagötu 4 i Reykjavík. Er
þar um bráðabirgðahúsnæði að ræða, en
endanleg staðsetning skólans er enn óráð-
Námi í skólanum verður endanlega skipt
i fjórar deildir. Heildarnámstími i hverri
deild verður sem næst 11 mánuðir og
skiptist námið í skólanám, bóklegt og verk-
legt, og verklega lijálfun, sem skólinn
skipuleggur á vinnustöðum. Deildirnar
verða þessar:
1. undirbúningsdeild
2. fiskiðndeild
3. meistaradeild
4. framhaldsdeild.
Inntökuskilyrði í skólann eru gagnfræða-
próf, landspróf miðskóla eða hliðstæð bók-
leg menntun. Siðar er gert ráð fyrir að
fólk, sem starfar við fiskvinnslu, fái ein-
hverjar undanþágur frá þessum skilyrðum,
taki það þátt í sérstökum undirbúnings-
námskeiðum. Flinnig skal bent á, að verði
stofnað til eins árs matvælakjörsviðs í
framhaldsdeildum gagnfræðaskólanna,
skulu nemendur, sem staðizt hafa próf
á því kjörsviði, öðlast rétt til inngöngu
i fiskiðndeild skólans, sem verður fram-
hald undirbúningsdeildarinnar. Námi i
undirbúningsdeildinni verður því hagað
á líkan hátt og lagt liefur verið til að
verði í 1. bekk framhaldsdeilda gagnfræða-
skólanna á matvælakjörsviði.
Bókleg kennsla i undirbúningsdeildinni
mun standa yfir frá þvi i nóvember fram
i maí næsta vor, og tekur þá við verkleg
kennsla og starfsjijálfun. Til þess að öðl-
ast réttindi sem fiskiðnaðarmaður, verður
nemandi að hafa staðizt próf úr fiskiðn-
deild skólans og auk þess verður liann að
hafa lokið 11 mánaða skipulagðri starfs-
þjálfun. Bókleg kennsla i fiskiðndeild
verður í um 7 mánuði, en auk hennar
verður um verklega kennslu að ræða.
Fyrstu fiskiðnaðarmennina verður vænt-
anlega hægt að útskrifa i júli 1974.
Kennsla skólans verður miðuð við það,
að fiskiðnaðarmenn öðlist nægilega undir-
stöðuþekkingu, bóklega og verklega, til
þess að geta annazt almenna verkstjórn,
gæðaflokkun og stjórn fiskvinnsluvéla.
Lögin um skólann gera einnig ráð fyrir
framhaldsnámi við skólann í meistara-
deild og framhaldsdeild og að reynt verði
að haga námi þessu þannig, að það auð-
veldi nemendum aðgang að frekara námi
i háskóla.
Skólastjóri er Sigurður B. Haraldsson
efnaverkfræðingur.
Eins og áður berast nú þessum þætti
nokkur bréf, þar sem spurt er um at-
vinnugreinar og skóla, sem rætt hefur
verið um áður. T. d. spyrja Þorsteinn,
Alftamýri, og Þórólfur Eiríksson um nám
flugmanna. Fjallað var um það hér í
þættinum í október 1969 (10. tbl.). — Flug-
nemar mega ekki hefja nám fyrr en þeir
eru fullra 17 ára, og einkaflugmannsrétt-
indi eru bundin við 18 ára lágmarksaldur.
Tveir eða þrír flugskólar eru í Reykjavík,
og einn var til á Akureyri (1969). Ekki
er hægt að segja til um hvað námið
kostar, en það mun vera alldýrt eða
u. þ. b. þúsund krónur hver flugtími. —
Flugskólarnir munu geta gefið betri upp-
lýsingar um þetta.
Fiskvinnsluskóli
61