Æskan - 01.05.1983, Page 26

GULLHAMSTUR
Gullhamsturinn er þó nokkuö minni
en naggrísinn, en þarfnast nokkurn
veginn sömu umhirðu og fæöu. Hann
vill þó gjarnan fá einstöku sinnum svo-
lítið kjöt eða orma.
Gullhamsturinn sefur megnið af deg-
inum og þarf því að hafa lítinn
svefnkassa í búrinu sínu. Á kvöldin
vaknar hann upp og er þá mjög líflegur.
Hann er vanur að hamstra þ. e. troða
kinnpokana sína fulla af mat og tæma
þá síðan inn í svefnkassanum sínum
þar sem hann kemur sér upp forðabúri.
Hann tæmir kinnpokana með því að
nudda kinnarnar með framlöppunum.
Gullhamsturinn getur orðið mjög
hændur að fólki, hann er einnig vanur
að vera mjög rólegur og friðsamur og
er því ákjósanlegt heimilisdýr. Það er
best að hafa aðeins einn hamstur í
hverju búri því annars getur það endað
með því að þeir bíti hvor annan til
bana.
Ef fjölgunar er óskað, þarf auðvitað
að láta karldýr og kvendýr saman, en
þá skal þess gætt að láta kvendýrið inn
til karldýrsins.
Eftir pörun er kvendýrið sett aftur í
sitt búr og látð hafa hey, tréull, mjúkar
tuskur eða eitthvað sem það getur not-
að til að búa til hreiður. Bómull má alls
ekki nota því dýrið getur kafnað við að
troða henni í kinnpokana.
Kvendýrið gengur með í 14-16 daga
og eignast vanalega 6-10 unga, en
einstöku sinnum kemur fyrir að þeir
verða allt að 20. Unga getur gullhamst-
urinn eignast sjöttu hverja viku.
Gæta verður þess vel að trufla ekki
móðurina meðan ungarnir eru litlir því
annars bítur hún og getur jafnvel tekið
upp á því að bíta alla ungana sína til
bana. Eftir að ungarnir hafa sogið í ca.
10 daga og hafa opnað augun koma
þeir út úr hreiðrinu og byrja að éta
sjálfir.
Ungarnir geta bjargað sér þegar þeir
eru þriggja vikna og þeir eru fullvaxnir
og kynþroska þegar þeir eru 3-4
mánaða. Gullhamstrar verða 3-4 ára.
Gullhamstrar eignast vanalega 6-10 unga í goti. Þeir geta eignast unga sjöttu
hverja viku.
Nú er tíminn
Flestar stúlkur hafa gluggablóm í
herberginu sínu - og sumar safna
kaktusum - og þegar kemur fram í
mars er hvíldartíminn hjá þessum jurt-
um liðinn. Þegar sólin fer að hækka á
lofti fara þær að vakna af vetrardvalan-
um, og þá verður að hlúa að þeim-
Þess vegna er tími kominn til að at-
huga, hvort ekki þarf að flytja þær í
stærri pott og setja þær í nýja mold.
Reyndu að ná blóminu úr pottinum og
hvolfdu honum fyrst, svo að sem mest
af gömlu moldinni loði við ræturnar. Bi
það sýnir sig að ræturnar ná alveg út úr
moldarkögglinum og hafa svo að segja
étið upp alla moldina þá er kominn tími
til að láta jurtina í stærri pott. Þú mátt
fyrir alla muni ekki hrista gömlu mold-
ina af. - Nú leggur þú glerbrot yfir
botngatið á nýja pottinum, lætur síðan
slatta af mold í botninn og setur svo
plöntuna með gömlu moldinni ofan I og
fyllir með mold utan með, þangað til
hún erorðin stöðug og moldin hæfilega
þétt. Loks vatnar þú plöntunni vel, og
lætur hana ekki standa á sólríkum stað
fyrstu dagana. Og innan skamms
muntu sjá að plantan þrífst vel eftir
bústaðaskiptin.
Loks er að minnast á moldina, sem
þú notar. Þú verður að gæta vel að því
að ekki séu maðkar í henni, og hún má
ekki vera of kjarnmikil. Ef moldin er
mjög feit, þá skaðar ekki að blanda
hana með sandi. En ekki má vera leir í
moldinni. Og þú skalt aldrei mála
jurtapottana þína. Þeir verða að vera
hrufóttir, en málningin gerir þá þétta,
svo að moldin í pottinum getur orðið súr
von bráðar. Ef þú vilt dubba upp jurta-
pottana þína geturðu sett utan um þá
hrjúfan pappir með fallegum lit.
26