Æskan - 01.01.1988, Blaðsíða 5

SIGURVEGARINN í SMÁSAGNASAMKEPPNINNI
„Fékk fyrir hjartaða
Viðtal við Helga Snæ Sigurðsson
..Nei, þetta er ekki sönn saga,“ sagði
Helgi Snær Sigurðsson, sigurvegarinn í
smásagnakeppninni, þegar við slógum á
þráðinn til hans nýlega. „Sagan fjallar
um ákveðinn harmleik sem ég veit að
margir dýraeigendur hafa kynnst. Þeir
hafa sem sé orðið fyrir sorg vegna missis
eins besta vinar síns.“
- Hefur þú átt hund?
>,Já, þegar ég var fimm ára. Þá áttum
við heima á Grenivík. Við áttum hund-
mn aðeins í eitt ár. Hann var dáhtið
ruglaður, greyið, og það var mörgum
sinnum ekið yfir fæturna á honum. Við
urðum að skilja hann eftir þegar við
fluttumst frá Grenivík til Akureyrar.
Mig dreymir þessa dagana um að eignast
annan hund. Sennilega verður mér að
ósk minni þegar ég kem heim aftur frá
Flórída. Æth ég fái mér ekki hund af
Labradorkyni.“
Helgi Snær skrifaði verðlaunasöguna í
byrjun nóvember sl. Fyrst gerði hann
uppkast að sögunni, síðan skrifaði hann
hana í heild og lagfærði svo eftir því sem
þurfti.
„Ég var tvö kvöld að skrifa hana,“
bætti hann við. „Þegar því var lokið
samdi ég við mömmu um að vélrita
hana. Hún er nefnilega miklu klárari en
ég á ritvél.“
- Áttirðu von á því að sigra í keppn-
inni?
„Nei, eiginlega ekki þó að maður voni
það auðvitað alltaf innst inni þegar mað-
ur ákveður að taka þátt í keppni. Ég
vissi ekki að ég hefði unnið fyrr en úr-
shtin voru tilkynnt í útvarpinu.
Ef ég segi eins og er var ég búinn að
sætta mig við að ég ynni ekki eftir að
búið var að lesa á undan upp nöfn allra
þeirra sem hlutu aukaverðlaun. Hvernig
varð mér við? Ég fékk fyrir hjartað og
eftir útvarpsviðtalið má segja að ég hafi
hlaupið upp um alla veggi hérna. Amma
var hérna hjá mér og hún fékk áfall og
hélt fyrir brjóstið í dálítinn tíma á eftir.
Þetta var í einu orði sagt æðislega óvænt
og gaman!“
Helgi Snær er 13 ára, fæddur 3. októ-
ber 1974. í fyrra fékk hann aukaverðlaun
fyrir söguna Karen. Hann er góður
teiknari og hefur samið nokkrar teikni-
myndasögur. Fyrir tveim árum birtist
ein slík eftir hann í Æskunni og þá var
líka birt viðtal við hann.
Við spurðum hann að lokum hvort
hann gæti hugsað sér að starfa sem teikn-
ari og rithöfundur í framtíðinni?
„Ég hef ekki tekið neinar ákvarðanir
en gæti þó hugsað mér að verða listmál-
ari eða auglýsingateiknari.“
- Góða ferð til Flórída, Helgi, og
skemmtu þér vel!
SIGURVEGARINN í TÓNLISTARGETRAUNINNI
Hefur áður
komið til Flórída
Viðtal við Berglind Rós Guðmundsdóttur
Vinningshafinn í tónlistargetrauninni
heitir Berglind Rós Guðmundsdóttir og
er í 8. bekk í Víðistaðaskóla.
„Það var eiginlega tilviljun að ég tók
þátt í tónhstargetrauninni,“ sagði hún í
spjalli við Æskuna. „Ég hafði ekkert að
gera einn daginn og datt í hug að spreyta
mig á spurningunum. Ég bjóst alls ekki
við að sigra því að ég vissi að mjög marg-
m tækju þátt í getrauninni. Ég var með
útvarpið í gangi á Þorláksmessumorgun
°g var að taka til í herberginu mínu fyrir
JÓlin þegar ég heyrði nafnið mitt. Ég
trúði ekki mínum eigin eyrum og stóð
eins og stytta í nokkra stund á gólfinu
meðan ég var að átta mig á þessu. Ég
hélt að þetta væri misheyrn hjá mér. Svo
rrmnr
fór ég fram og sagði mömmu fréttirnar.
Hún trúði mér ekki fyrr en hún hafði
hringt í Rás 2 og fengið þetta staðfest."
- Við fréttum að þú hefðir áður kom-
ið til Flórída.
„Já, ég fór með fjölskyldu minni í
fyrrasumar. Það var mjög skemmtileg
ferð og margt að sjá og reyna. Flórída er
skemmtilegasti staður sem ég hef komið
til. Við fórum í Disneyland og í Sjóheim
(Sea-world) en þar er hægt að sjá há-
karla, höfrunga og fleiri athyglisverð
sjávardýr. Á hverju kvöldi kl. hálfníu
var haldin flugeldasýning og hún var enn
tilkomumeiri á laugardögum en aðra
daga. Við fórum oft á vatnsrennibrauta-
svæðið, sem við nefndum Blautt og
brjálað, og skemmtum okkur vel. Svo
má áfram telja.“
í viðtalinu við Berglindi kom fram að
helstu áhugamál hennar eru tónlist, að
vera á skíðum og fara í sund. Eftirlætis-
tónlistarmenn hennar eru Rick Ashley,
David Bowie, Stuðmenn og Greifarnir.
Berglind hefur ekki áður tekið þátt í
verðlaunasamkeppni Æskunnar og Rásar
2. Hún segir að þessar óvæntu og gleði-
legu fréttir hafi gert jólahátíðina hjá sér
ánægjulegri en ella.
Við óskuðum henni að síðustu góðrar
ferðar til Flórída og vonum að þau Helgi
skemmti sér vel. Við hlökkum til að fá
ferðasögu þeirra í hendur til að birta í
blaðinu.
~5