Æskan - 01.01.1988, Blaðsíða 33

Sögulok
Svenni og Agnes horfa á popptónleika
í sjónvarpinu heima hjá systur hennar og
stinga inn'orði og orði sem tengist popp-
Urunum og lögum þeirra. Börnin tvö
sem Agnes er að passa eru fyrir löngu
sofnuð.
Þegar popptónleikunum er lokið
slekkur hún á sjónvarpinu og lætur plötu
á fóninn. Svo sest hún aftur og situr nær
Svenna en áður.
- Ég kann ofsalega vel við þig, segir
hún upp úr þurru eftir að hvorugt hefur
sagt orð í stutta stund.
- Sömuleiðis, segir hann og þau horf-
ast í augu.
- Þú ert skemmtilegur strákur.
- Þú ert líka skemmtileg.
- Finnst þér ekki sniðugt að hugsa til
þess hvernig við kynntumst. í gegnum
pennavinadálk Æskunnar!
- Raunar hefði ég aldrei skrifað þér ef
ég hefði ekki verið búin að sjá þig áður.
En pennavinadálkurinn gerði gæfumun-
inn.
Hún horfír á hann með glettni í aug-
unum. Honum fínnst hún ómótstæðileg.
Hún er svo falleg.
- Þér hefur sem sé litist svona vel á
mig, segir hún og brosir stríðnislega.
Hann lítur undan og ræskir sig.
- Mér fannst þú ekkert afleit.
Svo hlæja þau bæði.
- Mér fannst þú ekki heldur afleitur.
Ef svo hefði verið hefði ég ekki komið í
afmælið í kvöld.
Honum finnst þessi orð næstum því
jafnast á við ástarjátningu. Hann fínnur
að þau eru á réttri leið. Það vantar bara
herslumuninn.
Agnes býður kók og súkkulaði og
stendur upp til að ná í það. Skemmtileg
tónlistin frá plötuspilaranum flæðir um
huga Svenna á meðan og hann nýtur
þess að vera til. Hann er allt í einu orð-
inn svo öruggur með sig.
rrnfif
Agnes kemur með góðgætið og sest
aftur hjá honum.
- Heyrðu, segir hún litlu seinna og
horfir á hann eins og hún ætli að biðja
um eitthvað.
- Hvað? Hann sperrir eyrun og bíður
spenntur.
- Viltu að við byrjum saman?
Hann fær kökk í hálsinn. Hann átti
ekki von á að hún yrði svona hreinskilin.
Honum finnst hann vera að dreyma.
- Ef þú getur hugsað þér það, svarar
hann og vonar að hún heyri ekki hvað
hann er skjálfraddaður.
Þau horfast í augu stutta stund og
hann finnur hvernig svitinn lekur undan
höndunum.
- Eigum við að kyssast til að staðfesta
það? spyr hún, lokar augunum, setur
stút á munninn og stefnir á varir hans.
Þau kyssast stutta stund og innsigla
þannig vináttuna. Hann er í níunda
himni.
Þau eru byrjuð saman, Agnes og
Svenni.
Það hljómar ekki sem verst.
Þegar Svenni er á leið í strætó heim til
Dodda um miðnættið er hann í sælu-
vímu. Draumur hans rættist. Hann hef-
ur krækt í sætustu stelpuna í borginni.
Hvað þeir mega öfunda hann á Skagan-
um! Hann ætlar að biðja pabba sinn og
mömmu um að flytjast til Reykjavíkur
svo að hann geti verið sem næst henni.
Ef ekki - er ekki loku fyrir það skotið að
hann sigli daglega á milli með Akraborg-
inni og stundi nám í Álftamýrarskóla,
þeim sem hún er í. Þau töluðu um að
hittast um hverja helgi héðan í frá, annað
hvort í bænum eða uppi á Skaga.
Kannski verður það ekki nóg fyrir hann.
Þegar Svenni kemur úr strætó fyrir
framan húsið sem Doddi á heima í tekur
hann eftir því hvað himinninn er
stjörnubjartur og fallegur. Hann blínir á
stjörnurnar í von um að sjá einhverja
þeirra hrapa. Hann hefur heyrt að þá
geti hann óskað sér einhvers og það ræt-
ist!
Nei, ekkert stjörnuhrap, ekki núna.
Jæja, það hefur nógu mikið ræst í kvöld,
hugsar hann glaður með sér.
Svo stingur hann sér inn úr dyrunum
til að tilkynna Dodda að þau Agnes séu
óformlega trúlofuð.
Sá skal fá að verða undrandi yfir frétt-
unum! Og það á sjálfum afmælisdegin-
um hans.
~~