Valsblaðið - 24.12.1966, Page 20

18
VALUR
síðan verið eitt traustasta frelsis-
vígi þjóðarinnar.
Á þessu ári var og Fiskifélag
íslands stofnað og hið fsl. Bók-
menntafélag, sem nýlega hefur
minnzt 150 ára afmælis síns, flutti
þetta ár heim frá Kaupmannahöfn.
Þá var einnig reist og afhjúpuð
myndastytta Jóns Sigurðssonar,
fyrir framan stjórnarráðið. Vígð
var stór brú í Borgarfirði og viti
gjörður á nyrzta tanga landsins.
En austur á landi, Seyðisfirði, var
byggð fyrsta fullkomna rafmagns-
vatnsvirkjun landsins. Þá voru
„lifandi myndir“ teknar í fyrsta
sinn hérlendis, var það af glímu
og síðast en ekki sízt var íþrótta-
völlurinn nýi á Melunum vígður
með „pomp og pragt“ að viðstöddu
miklu fjölmenni, 1500 manns.
Iþróttafélögin í bænum stóðu að
þessu mannvirki, en völlurinn var
girtur alinnar hárri bárujárns-
girðingu. Hlutu íþróttafélögin
2500 króna styrk til verksins frá
Reykjavíkurbæ.
Ýmislegt fleira merkilegt gerð-
ist á hinum opinbera vettvangi,
og holskeflur stjórnmálanna risu
hátt, eins og oft fyrr 0g síðar, og
hrufu með sér í útfallinu ráðherr-
ann, sem þá var Björn Jónsson.
Af þessu stutta yfirliti um at-
hafnir og atburði þessa árs, má
ljóst vera, að margt hefur skeð
og að ekki var legið á liði sínu,
Einar Björnsson, þúsuncL þjala smiður
í félagsmálum, og aðdáandi liandknatt-
leiksins.
og miðað við allar aðstæður er hér
um miklar og margvíslegar fram-
kvæmdir að ræða.
Eins atburðar er þó ekki getið
í annálum þessa tímabils, en það
er, að snemma á árinu komu piltar
saman í húsakynnum KFUM í
Reykjavík, þar sem þeir voru fé-
lagar og stofnuðu félag, sem hafði
það helzt að markmiði að spyrna
knetti á milli sín.
Svo er sagt að fyrsti knöttur-
inn, sem Valur, en það nafn hlaut
félagið, eignaðist, hafi komið velt-
andi undan skrifborði Jóns Sig-
urðssonar. Er þetta vissulega
táknrænt.
Með leyfi séra Friðriks Frið-
rikssonar, framkvæmdastjóra KF
UM, var Valur stofnaður á sín-
um tíma, en í næsta mánuði hinn
11. maí eru 55 ár liðin frá því að
sá merkisatburður gerðist. Sá víð-
sýni maður, séra Friðrik, skynj-
aði fljótlega, mörgum öðrum bet-
ur, uppeldisgildi knattspyrnunnar
og íþrótta yfirleitt. Séra Friðrik
var sérstæður forystumaður að
allri gerð. Eitt meðal aðalsmerkja
hans var hinn næmi skilningur,
hann skyldi alla og allt í einni
sjónhending, öðrum fremur, einn-
ig knattspyrnuíþróttina. Minnast
má því séra Friðriks við vallar-
gerð, að stjórna lágvöxnum félög-
um sínum með funa áhugans í æð-
um, við að skapa sæmileg æfinga-
skilyrði og síðar mátti einnig sjá
séra Friðrik með flautu í hendi
æfa þessa áhugasömu frumherja
í að fara sem bezt með knöttinn
og innræta þeim sem bezt skiln-
ing á gildi samstarfsins til að ná
settu marki.
Mikið vatn er til sjávar runnið
frá því þetta var. En ennþá er í
fullu gildi sú brýning séra Frið-
riks til frumherjanna, að sýna
góðan og drengilegan leik og að
vinna sigur á sjálfum sér öðru
fremur.
Eitt sinn var amerískur stúdent
í Oxford að því spurður, hvað hon-
um þætti merkilegast í háskólalífi
Englendinga. Hann svaraði: Það
þykir mér merkilegast, að hér eru
þrjú þúsund ungir menn, sem hver
og einn kysu heldur að bíða ósig-
ur í leik, en leika ódrengilega.
Hér ber allt að sama brunni,
enda verður vart uppeldisgildi
íþrótta borið glæsilegar vitni.
Mætti allt vort íþróttastarf mót-
ast hér af.
Senn er Valur, vort kæra félag,
55 ára. Ég mun ekki fara hér að
rekja þá sögu, sem hér hefur verið
sköpuð á liðnum áratugum. I-Iún
er þegar til skráð. Ég minni þó
á það, að Valur er stofnaður á
merku framkvæmdaári í sögu
þjóðar vorrar, þar sem m. a. var
lagður grundvöllur að ýmsu því
merkasta er að framtíðinni lýtur.
Valur og Valsfélagar hafa sýni-
lega tekið í arf þá framkvæmda-
þrá og þann framkvæmdahug, sem
einkenndi stofnárið með þjóðinni.
Formaður Fulltrúaráðsins afhendir, fyrir hönd þess, Páli Guðnasyni, formanni Vals,
fjárupphieð, sem nota slcal til þjálfunar. Filippus Guðmundsson í miðið.