Almanak Ólafs S. Thorgeirssonar - 01.01.1948, Qupperneq 23

ALMANAK
23
bama, vel gefnar og mannvænlegar, Svanhvíti Guðbjörgu
(Mrs. Gordon Josie), sem er lögfræðingur að menntun,
og Málfríði Sigríði, er stundað hefir kennslustörf.
Samhliða því sem Sigurður hefir verið forvígismaður
í bindindismálum Islendinga vestan hafs, hefir hann látið
sig mörg önnur félags- og menningarmál þeirra xniklu
skipta. Hann var fvrr á árum (1901) einii af stofnendum
Jafnaðarmannafélagsins í Winnipeg, enda hefir hann jafn-
an hallast á þá sveif í þjóðmálum, eins og blaðaútgáfa
hans og blaðagreinar ber órækast vitni. Þá var hann ein-
nig snemma á árum (1903) aðal-forgöngumaður stofn-
unar Hagyrðingafélagsins í Winnipeg og helzti stuðnings-
maður þess, unz hann hvarf úr borginni til læknisfræði-
náms í Chicago. Hann var ennfremur einn af stofnend-
um Þjóðræknisfélagsins og fyrsti ritari þess (1919-21) og
skipaði aftur þann sess 1942-43. Auk þess hefir hann átt
sæti í fjöldamörgum meiriháttar nefndum varðandi fél-
agsmál Islendinga vestan hafs og menningarmál þeirra.
Þá hefir blaðamennskan verið snar þáttur í ævistarfi
Sigurðai'. Auk Æskunnar hafði hann, áður en hann fór
af Islandi, verið ritstjóri Dagskrár (1898-99), en vestan
hafs hefir hann verið ritstjóri þessara blaða: Dagskrár II.
(1901-03), Lögbergs (1914-17) og Voraldar (1918-21).
Hann er gæddur mörgum ágætum blaðamanns-hæfileik-
um, greinar hans ljóst og fjörlega skrifaðar, lifandi og
auðlesnar, hvort heldur þær eru frumsamdar eða þýddar.
Og alstaðar í blaðaskrifum hans em frelsisást hans, hug-
sjóna- og mannást, ljósu letri skráðar, samhliða fyrir-
litningu hans á hverskonar kúgun og lítilmennsku.
Um langt skeið annaðist Sigurður einnig bama- og
unglingadeildina “Sólskin” í Lögbergi, og síðar deildina
“Sólöld” í Voröld; einnig þýddi hann fyrir Heimskringlu
(1935) hina víðkunnu og vinsælu bamabók, Myndalaus
myndabók, eftir H. C. Andersen, danska ævintýraskáldið
heimsfræga. Sigurður var og ritstjóri bamablaðsins