Almanak Ólafs S. Thorgeirssonar - 01.01.1948, Page 25

ALMANAK
25
Og fagurlega er lífsskoðun höfundar skráð í þessum
léttstígu vísum:
“Ef eg gæti gleðirós
grætt á lífsins hjarni,
eða tendrað lítið ljós
að lýsa viltu barni.
Eða vakið öðrum hjá
ást til bræðra sinna,
kjarna hlotið hef’ eg þá
hjartans óska minna.”
Þetta er undirstraumurinn í mjög mörgum kvæðum
hans, heit og djúp samúð með mönnum og málleysingj-
um. Hann sækir tíðum yrkisefni sín beint í mannlífið
sjálft; hann finnur sárt til þjóðfélagsböls samtíðarinnar,
og þessvegna verða kvæði hans oft óvæg ádeila á hræsni
og misrétti, á hverskonar kúgun og veilur þjóðfélagsins.
Hann er í einu orði sagt: eldheitur umbóta og siðbóta-
maður.
Kemur það fram í fjöldamörgum kvæðum hans í
Kvistum, t.d. í ágætiskvæðinu “Hvar er verk til að vin-
na?”, sem er mælsk og máttug framsóknarhvöt,ogþágætir
hins sama ekki síður í kraftakvæðum hans, frumsömdum
og þýddum, í þágu bindindismálsins. Islenzk bindindis-
mál hafa átt og eiga einn sinn djarfmæltasta og áhrifa-
mesta formælanda, þar sem Sigurður er, og hann hefir
altaf verið jafn djarfmæltur málsvari lítilmagnans, látið
sér mest um það hugað að rétta hlut hans. Lækningar
hafa því verið ævistarf hans í fleiri en einni merkingu;
hann hefir viljað skera fyrir, mýkja og græða mein þjóð-
félagsins eigi síður en sár einstaklingsins. Hitt vita allir,
að umbótamaðurinn, sem sækir djarft og með eldmóði að