Almanak Ólafs S. Thorgeirssonar - 01.01.1948, Page 46

46
ÓLAFUR S. THORGEIRSSON:
var endurkosinn hvað eftir annað, svo að hann átti sæti
á ríkisþinginn í samfleytt 12 ár, eða lengur en nokkur
annar Islendingur í Norður-Dakota. Er lokið var þing-
setu hans, skipaði George F. Shafer ríkisstjóri hann í um-
sjónarnefnd með biipeningsrækt í ríkinu (Live Stock
Sanitary Board) og átti hann sæti í henni frá því í árs-
byrjun 1933 og þangað til í júní 1937.
Svo hafa sagt mér kunnugir menn, að Jón K. Ólafsson
hafi þótt hinn nýtasti þingmaður og verið vel metinn
bæði af skoðanabræðrum sínum og andstæðingum, er
virtu góðan skilning hans og dómgreind, réttsýni og
sanngimi, og hreina afstöðu hans til deilumálanna. Eng-
inn var hann málrófsmaður á þingi fremur en annars-
staðar á mannfundum, en tillögugóður og rökfastur í
málaflutningi sínum. Hann átti sæti í fjölmörgum meiri-
háttar þingnefndum og þótti þar prýðilegur starfsmaður.
Það er einnig til marks um traust það, er hann naut af
hálfu flokksbræðra sinna og samþingsmanna, að hann var
á tveim þingum (1929 og 1931), en þau koma saman
annaðhvort ár, kosinn formaður þingflokks síns, og var
það í fyrsta sinn, að sami maður var endurkosinn í þann
formannsess.
Á þingmennskuárum Jóns komu upp á ríkisþinginu
tvö mál, er snertu Island sérstaklega. Hið fyrra var það
(1927), er ákveðið var með sérstakri lagasamþykkt, að 12.
október skyldi árlega vera hátíðlegur haldinn til minn-
ingar um Vínlandsfund Leifs Eiríkssonar og Ameríku-
fund Christophers Columbusar (Discovery Day). Kom
það til kasta Jóns, er var þeim fræðum kunnugastur af
samþingmönnum sínum, að láta þeim í té nauðsynlegar
upplýsingar um Vínlandsfund og ferðir Islendinga til
forna, og átti hann því sinn mikla hlut að því, að réttur
Leifs Eiríkssonar og Islendinga var eigi fvrir borð borinn
í þessu efni.
Hann átti einnig sæti í þingnefnd þeirri (1929), er