Muninn - 01.11.1996, Blaðsíða 19

Myndiistarskólinn á Akureyri
URL http://akureyri.ismennt.is/~hvh
Helgi Vilberg skólastjóri
Myndlistarskólinn á Akureyri hefur aðsetur í Gilinu
á Akureyri. Hann var stofnaður árið 1974. Markmið skólans
er að veita nemendum þekkingu og þjálfun í hverskonar
myndlistargreinum. Við Menntaskólann er starfrækt
myndlistarbraut í samvinnu við Myndlistarskólann.
Skólastjórinn Helgi Vilberg hafði (Detta um myndlistarbraut
að segja;
„Faglega hlið náms á myndlistarbraut fer fram á
kvöldnámskeiðum í Myndlistarskólanum. Nemandi sem
skráir sig á myndlistarbraut í MA sér sjálfur um að skrá sig á
námskeið í Myndlistarskólanum, og þá á það námskeið sem
hann óskar, við rekum ekkert eftir þeim."
Myndlistarskólanum sem slíkum er skipt niður í
þrjár deildir; Listfræðsludeild, henni tilheyra
kvöldnámskeiðin sem opin eru almenningi og fornámsdeild,
sem er fyrsti hluti reglulegs listnáms. „Tilgangur
fornámsdeildar er að veita nemendum alhliða
undirbúningsmenntun í myndlistum. I deildinni fer fram
listrænn og tæknilegur undirbúningur fyrir nám í
sérnámsdeildum Myndlistarskólans, sem og annarra skóla.
Gengið er út frá þeirri forsendu að hinar mismunandi
greinar sjónlista eigi sér sameiginlegan grunn" (- tekið úr
bæklingi gefnum út af Myndlistarskólanum á Akureyri, vorið
1996). Að loknu fornámi tekur við sérnámsdeild, sem
skipfisf í fagurlistanám, þ.e. málun, og lisfhönnunardeild,
þ.e. grafísk hönnun. Fornámið og listhönnunardeildin eru
grunnur sérdeildar.
Þeim námskeiðum sem þarf að Ijúka á
listfræðideild eru m.a. teiknun, andlitsteiknun, módelteiknun,
skrift, málun, vatnslitamálun.. alls 11 námskeið sem ber að
Ijúka áður en viðkomandi getur hafið nám í fornámsdeild.
Yfirleitt hefur það verið þannig að nemendur hafi lokið
listfræðsludeildinni á þeim 4 árum sem þeir hafa verið í
Menntaskólanum en tekið fornámsdeildina árið eftir, þar
sem það er einn vetur, og hafa þá verið hér allan
skóladaginn 5. árið.
Hvert kvöldnámskeið er milli 18:30 og 21:00 á
kvöldin, einu sinni í viku, í 10 skipti.
Gunnhildur Finnsdóttir, frá Egilsstöðum, er á
myndlistarbrauf í 4. bekk. Undanfarin ár hefur hún verið á
kvöldnámskeiðum í Myndlistarskólanum en núna í vetur
hefur hún verið utanskóla í þeim fjórum áföngum sem hún á
eftir og leggur stund á fornám við Myndlistarskólann á
Akureyri. Gunnhildur segir myndlistarbrautina virka eins og
hverja aðra braut, þeir sem hafi áhuga á tungumálum fari á
málabraut, en þeir sem hafi áhuga á myndlist geta þá valið
myndlistarbraut.
Fyrir stuttu var einingakerfinu í Myndlistarskólum
breytt þannig að einingum fyrir hvert námskeið var fækkað,
sumir þeirra áfanga sem voru þriggja eininga áður eru núna
aðeins ein eining, sem gerir það að verkum að hvert
námskeið tekur lengri tíma og það er því bæði erfiðara og
dýrara að taka fleiri námsskeið til að ná upp í
einingafjöldann sem krafist er.
Gunnhildur er enn óákveðin varðandi framtíðina,
segist stefna að stúdentsprófi en viti ekki hvað taki við eftir
það. Það er ekki tryggt að komast inn í listaháskóla eftir
þetta nám, því langflestir listaháskólar hafi inntökupróf, en
þó er nám við Myndlisfarskólann fýsilegur kostur fyrir þá
sem hafa áhuga og mjög góður undirbúningur undir frekara
nám.
Alan að störfum
D9] MUNINN HAUST 1996