Muninn - 01.11.1996, Side 73

Á leið til Timbuktú og endar á Þórshöfn!
Einar Már Guðmundsson yrkir um myntbreytinguna í Ljóð
1980 - 81 á meðan Bubbi Morthens leitar að á samnefndum geisladisk.
Eitthvað öðruvísi svona einu sinni og gæti laðað fleiri að ljóðum.
Listahátíð færði okkur nokkur ágætis ljóð, þau má finna í
Ijóðasafninu Blánótt á meðan ritstjórinn góðkunni Matthías Johannessen
kemur með sína sautjándu Ijóðabók, Vötn þín og vængur á meðan frændi
okkar Árni Ibsen yrkir Úr hnefa.
Ýmislegt
Jæja, hvað ætli X-bekkinn langi í jólagjöf? Auðvitað Nomina
anatomica, Nomina Embroylogica, Nomina Histologica
Eðlisfræðiorðasafn. Á meðan læra málfræðingar AB-bekkjanna ítalsk-
íslensku orðabókina hans Paolo Turchi utan að. Tónlistar- og
myndlistarfólk skólans fær einnig bækur við sitt hæfi.
Annars vegar kemur út Sígild tónlist - Tónskáldin
miklu og meistaraverk þeirra með inngangsorðum
eftir sir george Solti, einhvern merkasta
hljómsveitarstjóra samtímans. Hins vegar
myndskreyta margir þekktusta myndlistamenn
samtímans bókina Hugarlendur Tolkiens, þar sem
gefur að líta hvernig listamennirnir sjá atburði úr
Hringadróttinssögu og öðrum meistaraverkum
skaldsins.
Heimspekingurinn Þorsteinn Gylfason
ætlar að reyna að kenna okkur Að hugsa á íslensku,
en þeir sem nenna ekki að hugsa sjálfir geta fundið
þægilegar prentlausnir i Súpu fyrir sálina og Mars
og Venus 2: Mars og Venus í svefnherberginu. En ef
þú ert kona og ert búin að gefast upp á amerísku
sálfræðinni þá geturðu reynt að leita lausna í þeirri þýsku. Skilaboðin eru
einföld: Góðar stelpur komast til himna, slæmar hvert sem er.
Nú, ef við viljum bara hafa þær sætar þá getum við gefið þeim bók
Kolbrúnar Aðalsteinsdóttur um módelstörf, Þú eða... en þá er aftur á
móti töluverð hætta að þær flögri í staðin til Mílanó í faðminn á Karl
Lagerfeld eða Paolo Maldini.
Hvers vegna hefur Össur Skarphéðinsson ekki haft tíma til að
íhuga formannsframboð? Jú, hann var að skrifa meistaraverk sitt,
Urriðadans. Ástir og örlög stórurriðans á Þingvallavatni, sem fróðir menn
fullyrða að sé dulbúin ævisaga Jóns Baldvins. Þeir fullyrða einnig að í
staðinn ætli Jón Baldvin að gefa Össuri bókina Ég borða - en grennist
samt! í jólagjöf.
Ævintýraþyrstir menntskælingar fá loksins langþráð safn
Siglfirskra þjóðsagna. Hver kannast ekki við gullmola eins og: „Einu sinni
voru Siglfirðingar í annarri deild í fótbolta ", „Allir voru edrú á Siglufirði
um verslunarmannahelgina eða þá „Eitt sinn var gnægð síldar hér".
En talandi um góðar sögur þá koma út Hin myrku spor, sem er samansafn
sextán sannra sakamálafrásagna, eins og t.d. þegar ástsjúk kona rændi
mormónapresti. Bara að hún ræni biskupnum næst.
Einnig kemur Öldin okkar 1991-1995, sem og Lögfræðingatal
IV (svartur Iisti) og Stóra tilvitnunarbókin sem hefur að geyma 6000
tilvitnanir frá síðustu 3000 árum (s.s. tvær á ári).
Ævisögur og endurminningar
Fyrir utan hinn fasta skammt af ævisögum um elliæra sjötuga
togarasjómenn, sem farnir eru að rugla saman sinni eigin ævi við
söguþráðinn í Moby Dick ( í lífsins ólgusjó, Á heljarþröm). og áttræðar
húsmæður á Raufarhöfn, koma út nokkrar sæmilega atyglisverðar
ævisögur.
Ein þeirra er eftir Oddnýju Sen og heitir Á flugskörpum
vængjum, þar sem segir frá ævi listakonunnar ísraelsku Myriam Bat-Yosef
sem átti m.a. afar stormasamt hjónaband með sjálfum
Erró. Ómar Ragnarsson skrifar Mannlífsstiklur og
Þjóðsögur Jóns Múla Árnasonar koma einnig út.
Ekki má gleyma bókinni Þeir vörðu veginn, þar sem
þau Unnur Birna Karlsdóttir og Stefán Þór
Sæmundsson skrá þætti um þrjá menn sem sett hafa
svip á akureyskt bæjarlíf.
Thor Vilhjálmsson talar um Fley og fagrar árar en
atyglisverðasta ævisagan í ár virðist þó vera Aðeins
eitt barn. Þetta er saga um kínverska konu sem tók
þátt í að neyða konur í fóstureyðingu allt fram í
níunda mánuð, ef þær höfðu þegar eignast sinn
Iögbundna skammt barna . En hún sjálf er búin með
kvótann og lendir í mikilli klemmu er hún sjálf verður
ófrísk á ný.
Barnabækurnar
Jólin eru hátið barnanna, en erum við ekki öll börn á jólunum?
Það er a.m.k. góð afsökun til að lesa bækur eins og Raggi iitli og Pála
kanína, Gauti vinur minn eftir Vigdísi Grímsdóttur og Þokugaldur
Iðunnar Steinsdóttur. Helga Möller sendir frá sér sína þriðju bók,
Prakkarakrakkar og Richard Paul Evans skrifar litla, fallega jólasögu um
Jólaöskjuna. Einmitt bókin sem hægt er að finna jólaskapið í.
Mæðgurnar Ingibjörg Möller og Fríða Sigurðardóttir unnu
(slensku barnabókaverðlaunin í ár fyrir Grillaða banana og fyrrum
handhafi þeirra verðlauna, Guðrún H. Eiríksdóttir skrifar um Saltfiska á
strigaskóm.
Félagsfræðingar þriðja bekkjar sem kannað hafa leyndardóma
heimspekinnar í Veröld Soffíu fá vonandi nýjustu bók norska
átrúnaðargoðsins síns, Jostein Garder, Halló! Er nokkur þarna í jólagjöf.
Náttúrufræðingar þessa skóla gætu síðan á meðan rannsakað Beinagrind
{ Skúii iijórn Gumiarssun
1 12 SMÁSÖUUK
Jóla
bækur
[73] MUNINN HAUST 1996