Muninn - 01.05.1997, Blaðsíða 16
AF GÖMLUM BRÚM
Einum 280 sinnum hafa nemendur fyllst mikilli gleði er Muninn
sést loks á göngum skólans, en gleðin hefur þó vissulega verið
mismikil eftir efnum, aðstæðum og andagift.
Það var Karl ísfeld sem ritstýrði blaðinu fyrstu tvö árin og
nefnir hann indverskt spakmæli sem segir að veröldin sé brú og
líkir Munin við þessa brú, „brú, sem við eigum að ganga um inn á
framtíðarlandið." Framtíðarlandið sem Karl talar um er nú
nútími. Og brúin hans, Muninn, stendur enn þó oft hafi hún verið
við það að bresta. Þegar Kristján heitinn Eldjárn var í ritstjórn
afturkallaði stjórn skólans eitt blaðið vegna Ijóðsins Meistarinn
og skækjurnar sem ekki var talið óhætt að birta sökum sálarheilla
ungra menntaskólanema. Á áttunda áratugnum var nafninu
breytt í Litli Muninn en eins og fuglinn í hinu ævintýrinu átti
hann eftir að vaxa og dafna og verða að stórum og myndarlegum
hrafni. En til þess að hann haldi áfram að vaxa og dafna þarf
náttúrulega að gefa honum að éta og það vona ég að þið verðið
dugleg að gera nú þegar 6/8 hlutar núverandi ritstjórnar hverfa á
braut.
Einhvers staðar á þessari síðu er blaðsíðutal sem gefur til
kynna að við séum stödd á i6du síðu. En ef allt er talið erum við
nú stödd á síðu 5774. Það er ykkur örugglega mikið gleðiefni að
vita loks sannleikann í þessu máli, og til þess að gleðja ykkur enn
meir munum við nú birta nokkra gullmola af öllum þessum síðum.
SKAMMARLjOÐ TIL STORA
ÁNÆGÐA TUNGLSINS OKKAR
1972
Þegar öld vatnsberans
hefur innreið sína
tryllist máninn
og orgar-. „Hættið
að drulla á mig.
Ég heimta réttlæti!"
Og jörðin glottir
þannig að skemmdar
tennurnar skína
mót deyjandi sól.
Og sólin umhverfist
þannig að innhverfa
hennar blasir við.
Þá stendur Guð á
fætur og segir:
„Ætti ég að láta rigna
á helvítis
fíflin í dag."
S.
GLEFSUR 1954-1956
Sagt er að nú vilji engin stúlka í skólanum verða
fegurðardrottning af ótta við að lenda á beininu.
Enska í n.B
I see us all lying in a crumbled heap at the foot of the
building already
P, þýðir-. Ég sé haug af fótum liggja við bygginguna.
í íslensku hjá V.S.
Gísli heldur fyrirlestur og Helgi Hjálmars reiknar.
„Uss, uss, ekki reikna, það er ljótt."
Þýska í 3. bekk
Kennari: Hvað er að gifta sig?
Nem. Vergiften.
Enska í 3. bekk
Nelson would have been allowed to go in the Navy, if it
had not been for influence of his uncle....
Nem.: Nelson hafði ekki verið leyft að ganga í flotann, ef
frændi hans hefði ekki haft inflúenzu.
16 M U N 1 N N
19 9 7