Muninn - 01.05.1997, Blaðsíða 75

AKOplast
er plastverksmiðja sem framleiðir plastumbúðir fyrir sjávarútveg, verslanir og
iðnað. Hjá fyrirtækinu starfa 18 manns þar af 10 við framleiðslu. Arið 1996
framleiddi Akoplast umbúðir úr 980 tonnum af plasti. Þar af voru 150 tonn
endurunnið plast sem notað er til framleiðslu á sorppokum. 70% af framleiðslunni
er fyrir íslenskan sjávarútveg s.s. plast-arkir og pokar af ýmsum gerðum. Önnur
framleiðsla eru heimilispokar, frystipokar, haldapokar og vacumpokar bæði
óáprentaðir og áprentaðir.
Einnig er flutt inn Cling-heimilisfilma, límbönd og svokallaðir skrjáfpokar sem
mest eru notaðir sem ruslapokar.
Akoplast leggur mikið upp úr því að sem minnst af úrgangi frá verksmiðjunni
lendi á sorphaugunum og því fara þau ca. 20 tonn af hreinu afgangsplasti sem
til fellur á ári til endurvinnslu hjá Plastprent í Reykjavík.
Annar úrgangur sem ekki getur talist hreint plast fer til Endurvinnslunnar hf.
í ágúst s.l. fór fram söfnunarátak á vegum AKOplasts hf., Endurvinnslunnar hf.
og Gámaþjónustu Norðurlands ehf. þar sem safnað var saman flokkuðu sorpi
frá heimilum í Glerárþorpi og var því tekið mjög vel af bæjarbúum. Annað átak
fór svo fram nú fyrir skemmstu þar sem dreift var endurvinnslupokum til allra
barna á leikskólum bæjarins og þau frædd um mikilvægi þess að flokkun sorps
og endurvinnsla er framtíðin.
Gréta Björnsdóttir