Kirkjuritið - 01.11.1935, Qupperneq 28

388 ,,Hallgrimsdeild“ Prestafélagsins. Kirkjuritið.
Fundur Hallgrímsdeildar Prestafélags íslands 3.—5. sept. 1935
lýsir yfir:
Að hann er algerlega mótfallinn frumvarpi launamálanefndar
um skipun prestakaila, og telur það frumvarp hvorki miða til
hagsbóta ríkissjóði né prestunum, en liinsvegar til stórkostlegs
niðurdreps öllu kirkjulegu starfi í landinu.
Hinsvegar telur fundurinn, að komið geti til mála, að fela
prestum í nokkrum hægum og fámennum prestaköllum aukin
kenslustörf, einkum unglingafræðslu.
Tillagan var samþykt í einu hljóði.
Séra Björn Magnússon hóf umræður um starfshætti kirkjunnar.
Tóku margir til máls, og snerust umræðurnar aðallega um þau
vandamál, sem tengd eru við samkomur i héraðinu, og starf
presta til að hafa áhrif á þær í siðbætandi átt.
Næsti fundarstaður var ákveðinn Stykkishólmur, með sam-
hljóða atkvæðum.
Um kvöldið kl. 8Y2 var guðsþjónusta í kirkjunni. Prédikaði
séra Jósef próf. Jónsson, og lagði út af Matt. 22. 15—22, en
séra Þorsteinn Briem prófastur þjónaði fyrir altari og tók fund-
armenn til altaris.
Fundinum var lokið með samsæti á heimili próf. Þorsteins
Briems, að viðstaddri sóknarnefnd og safnaðarfulltrúa og fyrv.
hreppstjóra Sveini Guðmundssyni, en aðkomnir fundarmenn
höfðu notið ríkulegrar gestrisni prófastsins, Ólafs kirkjuráðs-
manns Björnssonar og Sveins Guðmundssonar fundardagana.
Að lyktum las séra Þorsteinn Briem 1. Þess. 5, 5—24, og flutti
bæn, en fundarmenn sungu versið: „Son Guðs ertu með sanni“.
„VITAMINA“ SKÓLALÍFSINS.
„í mínum augum mælir héraðskólinn á Núpi mjög með presti
þar og starfi hans. Ég hika ekki við að vitna það, sem löng lífs-
reynsla, og með henni talsvert skólastarf, hefir kent mér og ég
veit sannast, að vel stundaður kristindómur er „vitamina" skóla-
lífsins. Það er löggjöf í landi skylt að taka til greina“.
(Úr bréfi til Alþingis dags. 17. sept. 1935 frá séra Sigtryggi
Guðlaugssyni á Núpi, prófasti í Vestur-ísafjarðarprófastsdæmi).