Kirkjuritið - 01.06.1955, Qupperneq 40

278
KIRKJURITIÐ
rannsóknir. Eg veit engan klerk í þessu landi, sem stúderað
hefir á við mig krítik kristinnar trúar. Þætti mér merkilegt
að ná í þig, þegar við báðir værum vel upplagðir og tala um
þess háttar hluti. Hér er við engan að tala, sem ekki er annað
hvort barn eða poki og flón í þeim efnum. En skikkanlega
guðhræddir eru margir, enda á orthodoxían jafnan góðar og
frómlyndar sálir innan um doðann og Dumheitin.
Um sálmabókina skrifaði eg á brennda blaðinu svo mikla
speki, að eg skildi hana ekki sjálfur. Mér þykir þú hafa farið
of vel með „skoppa“, en húðstrýkt S. Th. meira en garmurinn
er fær um að bera. Var það vit að láta hann regera og
rumstera einan? Annars eigum við fá sálmaskáld, sem gagn
er að. Eg vil láta Synodus velja og manna nefnd um allt land,
og láta þá í níu ár semja nýja bók. March!
Æ, fyrirgefðu þínum
heiðranda og einlægum vini
Matthíasi Jochumssyni.
*
Athugasemd.
í febrúarhefti Kirkjuritsins 1955 er grein eftir séra E. Th-
er heitir Kirkjulíf á íslandi fyrr og nú. Af greininni má draga
þá ályktun, að kirkjusókn hafi þverrað um 1920, en þó hafi
fyrst keyrt um þverbak eftir 1930, en um þær mundir lét grein-
arhöfundur af prestsstörfum. — í tilefni af þessari grein fór
ég að fletta messuskýrslum fyrir Saurbæjarsókn, og kemur þá
í Ijós, að messur í Saurbæ á árunum 1910—1919 eru 18 að
jafnaði á ári. Frá 1920—1930 er jafnaðartalan 19 og aðeins
betur. En frá 1932—1942, að báðum meðtöldum, þegar undan-
skilin eru árin 1937—1938, en verulegan hluta þeirra var sókn-
arpresturinn erlendis, eru messur 21 að jafnaði. — Að vísu er
messufjöldi ekki einhlítur mælikvarði um kirkjusókn, en Þ°
verður ekki við annað stuðzt, þar eð ekki mun hafa tíðkazt su
venja hingað til að telja kirkjugesti. Segja má, að umrsedd
atriði skipti ekki miklu máli, en skylt er þó að hafa það, ei
sannara reynist.
Saurbæ, Hvalfjarðarströnd, 14/3 1955.
Sigurjón Guöjónsson.