Kirkjuritið - 01.08.1955, Page 34
320
KIRKJURITIÐ
hækkað úr 6132248 kr. upp í 9285371 kr. eða um 3153123 kr.
Mestri hækkun veldur framlag ríkisins til kirkjubyggingar í
Skálholti 2 milljónir kr. og framlag til Kirkjubyggingasjóðs
500000 kr.
Embættiskostnaðargreiðsla til presta hefir hækkað um 215
þús. kr. Til endurbóta á gömlum íbúðarhúsum á prestssetrum
um 100 þús. kr. Ennfremur hafa bæzt við tveir nýir liðir:
Húsaleigustyrkur presta, sem ekki hafa prestsseturshús, 40000
kr. Áður var um þetta heimildirlöggjöf, og fjárhæðin 24000
kr. Til greiðslu álags vegna afhendingar kirkna eru áætlaðar
200000 kr. Er hér um að ræða kirkjur þær, sem áður hafa
verið ríkiskirkjur, en söfnuðir taka nú við. Mun þessi fjárhæð
að mestu fara til greiðslu álags á Valþjófsstaðarkirkju, Kálfa-
fells og Reykhóla.
Á 20. gr. standa í stað fjárveitingar til prestsseturshúss að
Hólum í Hjaltadal 100000 kr. og 350000 kr. til útihúsa á prests-
setrum. En framlag til bygginga á prestsseturshúsum hefir
hækkað úr 1350000 kr. upp í 1550000 kr. eða um 200000 kr.
Þessi síðast talda hækkun er þó mikils til of lág, eins og öllum
er ljóst, sem kunnugastir eru þessum málum. Byggingarþörfin
á prestsseturshúsum er svo mikil, að þegar hefir verið byggt
fyrir þessa fjárhæð mest alla, og verða því prestsseturshús,
sem reist munu í sumar, að mestu leyti byggð í skuld, er fyrst
verður unnt að greiða eftir næstu áramót. Ætlunin var upp-
haflega sú, að reist yrðu fjögur prestsseturshús á ári, og miðað
við það og reynslu nú á byggingarkostnaði má fjárhæðin ekki
vera lægri en 2—2y2 milljón kr. Vér þurfum að fá sem fyrst
presta í þau prestaköll, sem enn standa óveitt, en því aðeins
mun það takast, að þeir hafi þak yfir höfuð sér og fjölskyld-
um sínum.
Ýms mál kirkjunnar önnur en fjármál voru rædd á Alþingi.
Sú breyting var gjörð á lögunum um Kirkjubyggingasjóð,
að nú má einnig veita lán til byggingar bændakirkna. Málið
var borið undir stjórn Kirkjubyggingasjóðs, en henni þótti var-
hugavert að láta lögin ná til annarra kirkna en safnaðarkirkna,
meðan enn væri svo lág fjárveiting til sjóðsins, en þörfin mikil
að liðsinna söfnuðunum og fjöldi lánbeiðna fyrirliggjandi. Benti
sjóðstjórnin á það, að samfara rýmkun lánsheimildarinnar yrði