Kirkjuritið - 01.08.1955, Page 43

SKÁLHOLTSHÁTÍÐIN
329
frumvarp til laga um kirkjuítök og sölu þeirra, það er borið
var fram á síðasta alþingi að tilhlutun kirkjumálaráðherra.
Áfengisböliö. Prestastefnan 1955 lýsir ánægju sinni yfir því,
sem gert hefir verið til þess að bæta hag drykkjusjúkra manna,
og hvetur til aukins starfs gegn áfengisbölinu.
Sorprit. Prestastefnan fagnar því, að helztu skólamenn
landsins hafa, ásamt biskupi, skorað á stjórnarvöldin að stemma
stigu við útgáfu sorprita og annarra rita, sem leiða til ómenn-
ingar. Er þess vænzt, að Alþingi láti til sín taka á þesu sviði.
Skálholtshátíðin.
Skálholtshátíðin 17. júlí var fjölsótt og fór hið bezta fram.
Veður var stillt og gott meðan á hátíðinni stóð, og var þarna
mikið fjölmenni.
Hátíðin hófst klukkan 1 e. h. með því, að Lúðrasveit Reykja-
víkur lék nokkur lög fyrir dyrum, en átta prestar, svo og vígslu-
biskup, dr. Bjarni Jónsson, gengu hempuklæddir til kirkju. Síðan
hófst messa, sem dr. Bjarni Jónsson annaðist, en kirkjukór Stóra-
Núpssóknar í Gnúpverjahreppi, söng undif stjórn Kjartans Jó-
hannessonar.
Að messu lokinni dreifðist mannfjöldinn um staðinn, en veit-
ingar voru frambornar í tjaldi og skála Skálholtsfélagsins. Kven-
félagskonur af Eyrarbakka sáu um veitingar af rausn og mynd-
arskap.
Síðan hófst annar þáttur hátíðarinnar með leik Lúðrasveitar
Reykjavíkur. Þá flutti séra Sigurður Pálsson, formaður Árnes-
deildar Skálholtsfélagsins, ávarp, dr. Árni Árnason, héraðs-
læknir á Akranesi, flutti ræðu. Ólafur Magnússon frá Mosfelli
söng einsöng, Jökull Jakobsson stud. theol. skýrði staðinn og
greindi frá örnefnum og fornminjum. Próf. Sigurbjörn Einars-
son, formaður Skálholtsfélagsins, flutti lokaorð.