Kirkjuritið - 01.12.1957, Blaðsíða 7

JÓLARÆÐA
eftir séra Magníis Helgason
Guðspj. Lúk.: 2. kap. 1.—14. v.
Konur og menn úr allri átt
allir rekið sömu götu
til Betlehem, þar liggur lágt
lausnari heimsins, bam í jötu;
Beygið knje og fagnið fríðum
foringja lífsins náðarblíðum.
Þessum skáldsins orðum vil ég mæla til allra yðar, sem hingað eruð
komin á þessari hátíðarstundu, treystandi því, að þér komið hér öll þess
erindis að beygja kné og fagna fríðum foringja lífsins náðarblíðum, í þvi
trausti, að þér ekki hneykslist á hinu unga bami og hinni lágu jötu í
Betlehem. Því liver er sá staður um víða veröld, er við hana megi jafn-
ast. Konungshallir með þeirra dýra skarti og háreistu sölum, hvað em
þær móti þessari lágu jötu? Hinir fegurstu staðir á þessari jörð, er hrífa
hugann til undrunar og aðdáunar yfir því, er þar ber fyrir augun, hvað
eru þeir, hvað er á þeim að sjá hjá því sem í þessari dimmu jötu. Hinir
frægustu staðir heimsins, þar sem atburðir hafa orðið, er kollvarpað hafa
örlöguni heilla þjóða, hvaða þýðingu liafa þeir fyrir mannkynið í saman-
burði við jötuna í Betlehem? Hversu margir listamenn hafa þreytt list
sina á að mynda það, sem þar1 ber fyrir augun: hina ungu móður með
nýfædda barnið, Jósep og hirðana, sem tilbiðja það fullir af lotningu og
undmn. Og hversu mjög hafa guðræknir trúmenn keppzt um að prýða
°g dýrka þann stað. Á fjórðu öld eftir fæðingu frelsarans lét Helena keis-
aradrottning reisa kirkju yfir hellinum hjá Betlehem, þar sem Kristur
fæddist. Og enn stendur þar kirkja, ævagömul; imdir sjálfu altarinu liggur
trappa niður í lágan helli, þar sem mælt er að Jesú hafi fæðzt. Jatan,
sem var, er nú lögð marmara, hellisveggirnir huldir rauðu silki; silfur-
lampar loga þar nótt og dag; pilagrímar frá nálægum og fjarlægum lönd-
um, frá öllum trúarflokkum kristilegrar kirkju streyma þangað daglega, og
l>eygja kné s£n biðjandi á þeim helga stað. En fegurri en aUt það skraut,
sem trúin og hjátrúin hafa hjúpað þennan stað með, er sú hin dimma
viðhafnarlausa jata, er guðspjallið í dag minnir oss á. Hei'Uaríkara og