Kirkjuritið - 01.06.1958, Blaðsíða 8

í Kapernaum,
i.
Dag nokkurn stöndum við á rústum Kapernaum á strönd Genesaret-
vatns. Þarna stóð blómlegi bærinn, sem var heimkynni Jesú öllum öðrum
fremur. Þarna átti Pétur heima. Þarna hafði Jesús kennt í Samkundu-
húsinu og gert mörg undursamleg kraftaverk. Það er eins og frásögur
guðspjallanna rísi upp af blaðsiðum sinum og verði lifandi, þegar gengið
er um þessar helgu slóðir. — Og þó er þarna ekkert að sjá lengur, sem
minnir á forna byggð, ekkert sem minnir þarna lengur á hina blómlegu
borg með iðandi lífi, sem þarna stóð á hérvistardögum Jesú. Ekkert nema
rústirnar af hinu volduga samkunduhúsi. Þar sem Jesús prédikaði og lækn-
aði. Þær hafa verið grafnar upp á siðustu áratugum og bera því augljósan
vott, hve hér hefir verið fjölmenn og athafnasöm borg á dögum Jesú, ið-
andi af starfi og lifi á miðri þjóðleiðinni frá Damaskus suður til Cesareu,
þar sem rómverski landstjórinn sat. Og þéttbýl, frjósöm landbúaðarhéruð
umhverfis, þar sem nú reika aðeins snauðir hirðar. Voðalegur örlagadómur
hefir gengið yfir þessa borg, og hann fellur einhvern veginn yfir mig,
eins og hrapandi skriða, þar sem ég stend þarna í sólskininu umleikinn
glampanum frá vatninu. Ég sé í huga mér fiskibátana úti fyrir ströndinni,
eins og þeir blöstu við augum Jesú, heyri fyrir eyrum mér iðandi líf borg-
arinnar, kliðinn af umferð og önn. Og nú ríkir þarna dauðakyrrð og auðn.
Og mér er sem ég heyri eina rödd, sem ber yfir þetta allt: Vei þér,
Kórazin; vei þér, Betsaida; því að ef þau kraftaverk hefðu verið gjörð í
Tyrus og Sidon, sem gjörzt hafa í ykkur, hefðu þær fyrir löngu gjört
iðrun í sekk og ösku. Þó segi ég ykkur, að Tyrus og Sidon mun verða bæri-
legra á dómsdegi en ykkur. Og þú Kapernaum! sem héfir verið hafin til
hirnins — til Heljar skaltu niður stiga, því að ef þau kraftaverk hefðu
gjörð verið í Sódóma, sem gjörzt hafa í þér, stæði hún allt til þessa dags.
En ég segi yður, að landi Sódómu mun verða bærilegra á dómsdegi en þér.
— öldum saman hefir kyrrlát auðnin þrumað staðfestingu þessara skelfi-
legu orða. Svo rækilega hafa þessi orð Jesú rætzt, að nú vita menn einu
sinni ekki með vissu, hvar Kórazin stóð. Og hér er Kapernaum, sokkin í
auðn og dauða, svo að vart sér stein yfir steini.
En hér hafði hann talað og starfað. Við stóðum á þeirri grund, sem fæt-