Kirkjuritið - 01.02.1959, Page 36

Bœgisárkirkja 100 ára.
Að Ytri-Bægisá á Þelamörk hefir staðið kirkja frá því í önd-
verðum kristnum dómi, og þar hefir verið prestssetur um alda-
skeið til ársins 1941, en annexía á Bakka í Öxnadal og seinna
að Myrká, unz kirkja lagðist þar niður 1910.
Núverandi kirkja að Bægisá er fremur lítil, en snotur timbur-
kirkja, mjög vel við haldið, og er á þessu ári (1958) liðin öld
frá byggingu hennar.
Var afmælisins minnzt sd. 19. okt. s.l. með allmikilli viðhöfn,
og sótti þá hátíð f jöldi fólks.
Að Bægisá hófst guðsþjónusta kl. 2 e. h., og störfuðu þar að
þrír prestar. Séra Stefán V. Snævarr á Völlum prédikaði, en
séra Fjalarr Sigurjónsson í Hrísey þjónaði fyrir altari. Sóknar-
presturinn, séra Sigurður Stefánsson, prófastur á Möðruvöllum,
flutti minningarræðu og rakti sögu Bægisárstaðar frá upphafi
og gat ýmissa presta,.sem þar hafa þjónað, allt frá Hildibrandi
Grímssyni, sem frá segir í Laurentíussögu, og til séra Theódórs
Jónssonar, er síðastur Bægisárpresta sat staðinn og lengur en
nokkur annar, eða meir en hálfa öld.
Var hann 25. prestur þar eftir siðaskipti.
En þekktastur allra presta að Bægisá er séra Jón Þorláksson,
þjóðskáldið, sem þjónaði brauðinu frá 1788 til dauðadags 21.
okt. 1819, og vann þar sín mestu og frægustu bókmennta-afrek.
Aðstoðarprestur hans var, eins og kunnugt er, séra Hallgrímur
Þorsteinsson, faðir Jónasar, „listaskáldsins góða“, en séra Hall-
grímur þjónaði Bakkasókn.
Aðeins þrír prestar hafa setið að Bægisá frá því, er núverandi
kirkja var reist. Séra Arngrímur Halldórsson fyrstu 5 árin.
Hann kom frá Saurbæ á Hvalf jarðarströnd og var afi Frímanns
B. Arngrímssonar, hins kunna hugvits- og fræðimanns. Annar
var séra Arnljótur Ólafsson, þingskörungurinn, og þriðji séra
Theódór Jónsson.