Kirkjuritið - 01.07.1959, Page 21

K.IRKJURITIÐ 307
hannsdóttur, bónda á Torfastöðum í Svartárdal, og áttu þau
2 dætur.
Séra Björn var maður vel gefinn og ljúfmenni hið mesta, vin-
sæll prestur og vel metinn, víðsýnn og frjálslyndur og prýði-
lega ritfær. Hann minnti mig á orð Frelsarans: Sælir eru
hógværir.
Séra Jón Brandsson, prófastur frá Kollafjarðarnesi, lézt 8.'
janúar, nær 84 ára að aldri, fæddur 24. marz 1875. Hann vígð-
ist til Tröllatunguprestakalls í Steingrímsfirði 11. sept. 1904 og
þjónaði því óslitið til fardaga 1951. Hann var jafnframt pró-
fastur 30 síðustu árin. Aukaþjónustu annaðist hann nokkur ár
í Staðarprestakalli í Steingrímsfirði.
Hann kvæntist 1908 Guðnýju Magnúsdóttur, bónda í Miðhús-
um í Hrútafirði, og lifir hún mann sinn. Þau eignuðust 9 börn.
Séra Jón var ástsæll af söfnuðum sínum, enda skyldurækinn
og áhugasamur prestur. Húsvitjanir rækti hann mjög, og fögn-
uðu menn komu hans á heimilin, þótti sem hann flytti birtu í
bæinn. Var hans mjög saknað, er hann fluttist úr prestakallinu.
Séra Friörik Rafnar, vígslubiskup á Akureyri, lézt 21. marz,
68 ára að aldri, fæddur 14. febr. 1891. Hann vígðist prestur til
Útskálaprestakalls 1. júní 1916 og þjónaði því til 1927. Þá gerð-
ist hann prestur á Akureyri, en jafnframt hafði hann auka-
þjónustu á hendi nokkurt skeið í Grundarþingum árin 1931—32
og 1936. Hann tók sæti í stjórn Prestafélags Hólastiftis 1928
°g var formaður þess frá 1937. Sama ár var hann kjörinn
vígslubiskup í Hólastifti hinu forna og vígður biskupsvígslu
að Hólum. Hann var skipaður prófastur í Eyjafjarðarprófasts-
dæmi 1941. Hann fékk lausn frá prests- og prófastsstörfum
1- nóv. 1954, sökum vanheilsu, en var vígslubiskup til dauðadags.
Auk þessara starfa voru honum falin mörg trúnaðarstörf. Ýms-
ar ræður, ritgerðir og bækur liggja ennfremur eftir hann á
Prenti.
Hann kvæntist 1916 Ásdísi Guðlaugsdóttur, bæjarfógeta á
Akureyri. Þeim varð ekki barna auðið, en ólu upp 3 fóstur-
börn.
Séra Friðrik var framúrskarandi dugmikill og ágætur prest-
ur. góður kennimaður, og fóru öll prestsverk honum prýðilega
Ur hendi. Hann var vel fallinn til kirkjulegrar forystu, mikils
virtur, lærður í kirkjulögum, vinsæll kirkjuhöfðingi.