Kirkjuritið - 01.07.1959, Blaðsíða 36

322
KIRKJURITIÐ
Æskulýðsnefndin mun síðar á prestastefnunni gjöra nánar
grein fyrir störfum sínum.
Blöð og bækur.
Kirkjuritið hefir komið út í 10 heftum á ári, og er það nú
að verða aldarfjórðungs gamalt. Ennfremur koma út: Bjarmi,
Æskulýðsblaðið á Akureyri, Geisli á Bíldudal, Ljósberinn og
ýms safnaðarblöð, svo sem Dómkirkjunnar, Langholtssóknar,
Hálsprestakalls, Grenjaðarstaðar, Húsavíkur og Neskaupstaðar.
Ennfremur hefir sér Halldór Kolbeins gefið út nokkur eintök
af blaði í sínu prestakalli.
Skömmu fyrir jólin komu út prédikanir séra Jóns Auðuns
dómprófasts, er hann nefnir: Kirkjan og skýjakljúfurinn. Þetta
er hin merkilegasta bók, og unun að lesa sökum rökfestu höf-
undar og andríkis. Líkist hann í ýmsu læriföður sínum, séra
Haraldi Níelssyni, hinum mikla kennimanni.
Enn má nefna bókina Skálholtshátíðina, sem er lýsing á
hátíðahöldunum í Skálholti og Reykjavík sunnudaginn og mánu-
daginn 1,—2. júlí 1956, og tók séra Sveinn Víkingur saman.
Síðari helmingur bókarinnar er ágætar sögulegar ritgerðir eftir
prófessorana dr. Jón Jóhannesson og dr. Magnús Jónsson og
séra Benjamín Kristjánsson.
Á liðnu ári kom einnig út eftir dr. Magnús Jónsson síðari
hluti níunda bindis af sögu íslendinga, en í því er fyrsti kafl-
inn um kirkjumál íslendinga 1874—1903, ýtarlegur og fróð-
legur.
Nokkrir prestar og aðrir kirkjunnar menn hafa skrifað grein-
ar og greinaflokka um kristindómsmál í ýms blöð og tímarit,
og eiga fyrir það þakkir skildar.
Skýrslu minni er nú lokið. Ég hefi sagt nokkru nánar frá
með tilliti til þess, að henni er útvarpað til allrar þjóðarinnar.
Ég veit, að marga langar til að fylgjast sem bezt með störfum
kirkjunnar og að frásögnin um þau getur orðið þeim sjálfum
hvöt til starfa. En markið er það, að allir starfi með að þess-
um heilögu málum, svo að þjóðin og kirkjan verði eitt og hið
sama.