Uppeldi og menntun - 01.01.2004, Blaðsíða 79

JÓHANNA EINARSDÓTTIR, AMALÍA BJÖRNSDÓTTIR OG INGIBJÖRG SÍMONARDÓTTIR
Eins og sést í töflu 3 eru svipuð tengsl á milli HLJÓM-2 og TOLD-2P á mælitölu hlust-
unar og milli styttrar útgáfu af TOLD-2P og HLJÓM-2 við fimm ára aldur. Ekkert
barn er með slaka færni á HLJÓM-2 og góða færni mælitölu hlustunar á TOLD-2P.
Það eru einungis fjögur börn með góða færni á HLJÓM-2 en slaka á TOLD-2P. Þetta
er athyglisvert í ljósi þess hversu margir eða um 30% voru í slakasta hópnum á
TOLD-2P Hlustun en þau sýna flest slaka- eða meðalfærni á HLJÓM-2. Langflestir
sýna meðalfærni í báðum prófunum.
Breytingar á málþroska barna frá fimm ára til sjö ára
Könnuð voru tengsl á milli málþroskamælinga við fimm ára aldur og við sjö ára ald-
ur. Þetta var skoðað bæði út frá mælitölum styttri útgáfu TOLD-2P og HLJÓM-2.
Byrjað var á að skoða dreifingu á málþroskatölum í úrtaki við sjö ára aldur og síðan
skiptinguna í getuflokkana þrjá.
Mynd 4
Arangur sjö ára barna á TOLD-2P (málþroskatala)
Á mynd 4 sést dreifing málþroskatölu við sjö ára aldur en þá er miðað við heildar-
nrálþroskatölu á TOLD-2P. Með slaka færni voru 29 börn (11,6%), með meðalfærni
voru 169 börn (67,3%) og með góða færni voru 53 börn (21,1%). Fá börn eru með mál-
þroskatölur undir 85. Mörg börn eða tæp 14% eru með málþroskatölur milli 110 og
114 og teljast þá til hópsins sem er með meðalgetu en eru nálægt því að flokkast með
börnunum með góða færni.
I þessum hópi barna virðist því dreifing stiga á TOLD-2P við sjö ára aldur nálgast
normaldreifingu.
77