Ægir - 01.01.1986, Qupperneq 42

að þeir á Skagaströnd megi vera
nokkuð ánægðir með sitt, mitt í
kvótakerfi og erfiðleikum
útgerðar og fiskvinnslu. Það
gengur allt nokkuð vel hjá þeim.
Hann getur sjálfur nokkuð vel við
unað; þeir fiska vel á Örvari, það
er slegist um hvert pláss um borð
og tekjurnar eru góðar. Þá er
heldur ekki ónýtt að hafa einnig
syni sína tvo sinn til hvorrar
hliðar. Guðjón yngri er stýri-
maður á Arnari, og þeir hafa gert
það gott, en Gylfi, sá eldri, var til
skamms tíma stýrimaður á Örv-
ari, við hlið karlsins, en er nú
sestur í Tækniskólann fyrir
sunnan. Fyrsti stýrimaður á Örv-
ari er hins vegar Árni Sigurðsson,
og stjórnar hann skipinu á móti
Guðjóni. - „Afbragðsmaður",
segir Ebbi, „honum hefur gengið
mjög vel".
En hvaö með framtíðina?
„Það hlýtur að verða breyting
á fiskiðnaðinum í nánustu
framtíð. Það gengur ekki að
byggja hallir undir fiskverkun - til
að verka fisk úr einum togara.
Peningastreymið gegnum bæinn
hér er jafn mikið frá Örvari, og
frá frystihúsinu, vegna bolfisks.
Ef hraðfrystiiðnaðurinn getur
staðist samkeppni við aðrar
vinnsluaðferðir, þá er allt í lagi.
Núna er fiskverðið hins vegarallt
of lágt miðað við fiskmarkaðinn
erlendis. Það er eitthvað að í
þessum málum, þegar við höfum
stórar verksmiðjur íAmeríku sem
verða að fá svo og svo mikið af
fiskinum okkar, hvað sem hver
segir. Það er spurningin, hvort
þær séu ekki orðnar of stórar og
hvort þær hafa ekki orðið til þess
að ekki hefur verið leitað að
nýjum mörkuðum. Frystihúsin
geta engan veginn keypt fisk úr
frystitogurum til að vinna. Þau
geta ekki greitt það verð sem fæst
á mörkuðum erlendis fyrir
ferskan eða sjófrystan fisk. Það
hljóta því að verða breytingar í
sjávarútveginum hér hjá okkur."
Hins vegar eigum við að aug-
lýsa upp fiskinn sem hollustu-
vöru. - Þá fæst líka borgað fyrir
hann."
Og þar með er Ebbi kvaddur og
Skagaströnd með.
34-ÆGIR