Ægir - 01.12.1986, Page 7

marks. Þetta var grundvallar-
breyting því áður höfðu ílestar
stjórnunarreglur verið settar með
reglugerð.
30. desember s.l. var gefin út
reglugerð þar sem ákveðið var
að heildarbotnfiskafli á árinu
1986 yrði, og var þá miðað við
óslægðan fisk:
1. Þorskur . . .. 300 þús. tonn
2. Ýsa ......... 60 þús. tonn
3. Ufsi ........ 70 þús. tonn
4. Karfi ....... 100þús. tonn
5. Grálúða . .. 30 þús. tonn
Þá var sú regla tekin upp að
heimilt er að flytja allt að 10% af
aflamarki hverrar botnfiskteg-
undar og 10% af þorskaflahá-
marki til ársins 1987, og heimilt
er í ár að veiða allt að 5% umfram
aflamark hverrar fisktegundar og
5% umfram þorskaflahámark og
dregst sá umframafli frá við út-
hlutun fyrir árið 1987.
30. október s.l. var með reglu-
gerð ákveðið aflamark helstu
botnfisktegunda fyrir árið 1987.
1. Þorskur . .. 330 þús. lestir
2. Ýsa ......... 60 þús. lestir
3. Ufsi ........ 70 þús. lestir
4. Karfi ....... 95 þús. lestir
5. Grálúða . 30 þús. lestir
Afkomu- og markaðsmál
Allt bendir til þess að afkoma
útgerðar verði með all nokkuð
öðrum hætti en verið hefur um
langt tímabil þegar á heildina er
litið. Hér munar mest um þá
miklu breytingu sem orðið hefur
á olíuverði þar sem verð á gasolíu
hefur lækkað um 47% frá ára-
mótum og svartolíu um 46%.
Ovarlegt er að telja að hér sé náð
stöðugu verðlagi á olíuvörum.
Vitað er að aðalsamtök olíufram-
leiðsluríkja OPEC vinna að tak-
mörkun á olíuframleiðslu og með
þeim hætti að ná tökum á verð-
myndun sem yrði þá til hækkun-
ar. Þá verður ekki gengið fram
hjá þeirri staðreynd sem kom í
Ijós með nýframlögðu frumvarpi
til fjárlaga fyrir árið 1987 en þar
er gert ráð fyrir 600 millj. króna
tekjum ríkissjóðs er kæmi frá inn-
flutningi olíu og þar með verði
tekin til baka meginhluti þess sem
fallið hefur í hlut útgerðar vegna
lækkunar heimsmarkaðsverðs á
olíu.
Vart verður því trúað að það sé
ætlun ríkisvaldsins að útgerð
megi ekki rísa úr kútnum. Afla-
brögð hafa orðið allgóð það sem
af er árinu. Þannig að samkvæmt
bráðabirgðatölum Fiskifélagsins
var botnfiskaflinn orðinn 545
þús. tonn í lokoktóberá móti 509
þús. tonnum 1985. Hér vegur
mest aukning á þorskafla sem er
25 þús. tonnum meiri í ár en s.l.
ár. Þessi aflaaukning á því nokk-
urn þátt í bættri afkomu. Rækju-
afli er nær 9 þús. tonnum meiri í
áren hann varásamatímas.l. ár.
Vegna markaðsaðstæðna fór
síldveiði seinna af stað en áður,
þá er þátttaka í loðnuveiðum
nokkuð misjöfn í upphafi veiða.
Batnandi hagurútgerðareykurað
sjálfsögðu bjartsýni á horfur
atvinnugreinarinnar en hinar
miklu sveiflur sem greinin hefur
átt við að búa kenna okkur að
ávallt sé aðgátar þörf.
Það sem af er þessu ári hefir
verðlag á helstu fiskmörkuðum
okkar verið hagstætt. All nokkrar
hækkanir hafa orðið á freðfiski
bæði á Bandaríkja- og Evrópu-
mörkuðum að undanskildu Rúss-
landi en þar gildir fyrirfram
gerður árssamningur um verð
sem þó þótti allgott í byrjun árs.
Hækkanir hafa einnig orðið á
saltfiskmörkuðum í Miðjarðar-
hafslöndum. Verulegar hækkanir
hafa orðið á rækju og hörpudiski
en þess ber að geta að hörpudisk-
ur lækkaði mjög 1984 og 1985.
Verð á rækju hafði aðeins verið á
uppleið s.l. ár eftir mikla lækkun
1984. Ferskfiskmarkaðir í Eng-
l.andi og Þýskalandi hafa staðið
fyrir því verði sem var 1985 en
þá varð þar allnokkur hækkun
frá 1984.
Þrátt fyrir óbjörgulegt útlit um
ÆGIR - 707