Ægir - 01.12.1986, Side 9

Sjávarútvegsráðuneytið hefur
falið fræðsludeild Fiskifélagsins
að sjá um daglegan rekstur og
hafa umsjón með bátnum og
öllum fjárreiðum hans.
Nokkur reynsla er nú komin á
starfsemi bátsins sem hefur reynst
í alla staði mjög vel. S.l. vor fór
báturinn um Norður-, Vestur- og
Suðurland og farið var í kennslu-
róðra með nemendur í sjóvinnu-
deildum grunnskólanna. í haust
hefur báturinn farið í yfir 20
kennslu- og kynnisferðir með
nemendur úr sjóvinnudeildum á
Suðvesturlandi. Verið er að
undirbúa samskonar ferðir á Aust-
urlandi og mun báturinn síðan
fara aftur um Norður- og Vestur-
land.
Á þessu ári hefur bátuinn
einnig farið fjölmargar rannsókn-
arferðir. T.d. var hann í krabba-
leit í ágústmánuði í Breiðafirði og
norðanverðum Faxaflóa.
í Ijós hefur komið að báturinn
annar ekki öllum þeim verk-
efnum sem honum voru ætluð,
og eftirspurnin eftir honum til
kennslu það mikil, að í þau verk-
efni ein þyrfti ef vel væri, allan
tíma bátsins. Það er því Ijóst að
hafin er barátta fyrir því, að eign-
ast bát, sem eingöngu yrði not-
aður sem kennsluskip. Enda lífið
lítils virði baráttulaust, segir í
skýrslu fræðsludeildar.
En þrátt fyrir það er tilkoma
þessa báts öllum, sem við sjó-
vinnufræðslu starfa, mikið fagn-
aðarefni. Báturinn mun gjör-
breyta allri aðstöðu þessarar
námsgreinar sem hefur reynst
mörgum unglingum gott innlegg
í undirbúningi undir lífið, og
öðrum hvati til meiri menntunar
síðar, í stýrimannaskólum.
Tæknideild
Starfsemi tæknideildar eru
gerð skil í sérstakri skýrslu, sem
fyrir þinginu liggur. Af stærri
verkefnum má nefnafyrirhugaðar
kúfisktilraunaveiðar. í síðustu
skýrslu var gerð grein fyrir upp-
hafi þessa verkefnis, og frum-
vinnu vegna fyrirhugaðra breyt-
inga á Önnu SH 122. Um ára-
mótin síðustu hófst undirbún-
ingur að breytingum á áður-
nefndu skipi fyrir alvöru og hefur
tæknideild haft yfirumsjón með
gerð útboðsgagna og eftirliti með
breytingum. Um miðjan febrúar
var verkið boðið út og tilboð
opnuð í byrjun mars. Af ýmsum
ástæðum var framkvæmdum
slegið á frest og hófust ekki fy rr en
síðla sumars og er nú að Ijúka.
Annar þáttur þessa verkefnis
eru orku- og veiðitæknilegar
mælingar um borð í Önnu SH,
þegar tilraunaveiðar hefjast,
þannig að sem gleggst mynd fáist
af tæknilegri hlið þessa veiði-
skapar við okkar aðstæður. Slíkar
upplýsingar ættu að nýtast varð-
andi frekari breytingar a skipum
og nýbyggingar, ef jákvæð
reynsla fæst af þessum veiðiskap.
í tengslum við fyrirhugaðar mæl-
ingar hefur verið lögð talsverð
vinna í smíði ýmissa mælitækja,
en mælingar þessar verða um-
fangsmeiri en áður hafa verið
gerðar samtímis í einu skipi af
hálfu tæknideildar.
Á orkusviðinu hefur ýmsum
beiðnum um mælingar og orku-
hagkvæmnisathuganir verið
sinnt, en skiljanlega hefur dregið
úr starfsemi á því sviði frá því sem
verið hefurá undanförnum árum.
Á síðasta Fiskiþingi var sam-
þykkt tillaga þess efnis, að fela
tæknideildinni að gera sem fyrst
úttekt á aldursdreifingu íslenskra
fiskiskipa og þeim endurbótum
sem á þeim hafa verið gerðar. í
apríl sendi tæknideild frá sér
skýrslu, sem veitir að talsverðu
leyti svör við því sem fram kemur
í samþykktinni. Skýrsla þessi var
unnin fyrir sjávarútvegsráðu-
neytið í samræmi við beiðni sem
þaðan barst, og var síðan kynnt á
stjórnarfundi Fiskifélagsins.
Tæknideild hefur unnið frekar að
þessu verkefni, þ.e. úttekt á fiski-
skipaflotanum, þar sem lögð er
ÆGIR- 709