Tímarit lögfræðinga - 01.12.1951, Blaðsíða 34

248
Tímarit lögfræðinga
samkvæmt gagnkvæmri ei'fðaskrá eða í erfð samkvæmt
niðurlagi 7. gr. laga nr. 42/1949. Þá er skipt jafnt milli
lögerfingja beggja, ef ekki er öðruvísi mælt í erfðaskránni
eða ef skilyrði 8. gr. laga 1949 eru fyrir hendi. En dóm-
stólarnir litu ekki svo á. Þeir töldu, að svo skyldi með fara
sem lýst var hér áður, ef S hefði látið skipta búi þeirra
hjóna eða skipti hefðu verið hafin fyrir andlát hennar.
Óskilgetnu börnunum P voru því dæmdir %6 hlutar af bús-
helmingi P. Erfingjar S hafa með þeim hætti fengið %6
af þessum búshluta, með öðrum orðum: Sá réttur, sem
ekkjan hefði haft, ef skipt hefði verið eftir P og gagn-
kvæma erfðaskráin hefði þá verið metin gild um fjórð-
ung búshluta P til erfðar til handa S, fellur erfingjum
hennar í skaut.
Dómur hæstaréttar er óskilgetnum börnum, fæddum
fyrir 1. nóvember 1922, mjög mikils virði, enda er nú
tekið fyrir þá óvissu, sem um erfðarétt þeirra kann að
hafa verið.
2. Lífsgjöf eða. dánargjöf (hrd. 4/6).
S byggingameistari átti óskilgetna dóttur, ó, sem stóð
til arfs eftir hann. Árið 1942 gekk S að eiga K, og áttu þau
engin börn á lífi. Á árinu 1948 veiktist S og var lagður á
spítala. 1. júlí s. á. Var reyndur þar á honum uppskurður,
sem árangurslaus varð, og töldu læknar hann ganga með
ólæknandi krabbamein, en það var honum þó, að því er
virðist, ekki sagt. Inn 21. júlí s. á fór S heim af spítalanum,
hafði fótavist fram í janúar 1949, að því er virðist, en var
þó veikur og frá verki. En 17. janúar s. á sótti heimilis-
læknir S um spítalavist handa honum og taldi hann þó
ekki mundu lifa lengur en 1—2 vikur. Láfið treyndist hon-
um þó lengur. 26. febr. var S fluttur á spítalann og þar dó
hann 10. marz 1949.
Með þeim hjónum S og K hafði í upphafi verið algert
fjárfélag. K hafði engar eignir fært með sér í bú þeirra,
að því er virðist. En 23. des. 1948 gerðu þau með sér kaup-
mála, sem svo var gerður og skráður sem mælt er í lögum