Tímarit lögfræðinga - 01.01.1957, Blaðsíða 20

sem hér fer á eftir, sjá 5. Ákvæðið gildir aðeins meðan
frelsissviptingin varir.
5. Bætur skulu ekki greiddar þeim, sem ófærir eru til
vinnu, sbr. upphaf e-liðs 16. gr. Marga þá, sem ófærir
eru til vinnu, mundi mega telja til þeirra, sem um ræðir
í 16. gr., b—d, sbr. 2.—4. hér að framan. Ýmsir þeirra
geta þó verið ófærir til vinnu svo sem sumir geðsjúkling-
ar, vanþroska fólk o. fl. Tilgangur laganna er að bæta
mönnum að nokkru þann tekjumissi, sem þeir verða fyrir,
þegar þeir eiga ekki kost á starfi vegna atvinnuleysis. Það
er hins vegar utan verksviðs þessara laga, að tryggja þeim
mönnum bætur, sem eru atvinnulausir af öðrum ástæð-
um, svo sem vegna þess, að þeir eru ófærir til allrar vinnu,
og verða þannig atvinnulausir, þó að nægileg vinna sé á
boðstólum. Slíkir aðilar munu í flestum tilfellum njóta
annarra bóta. Sá, sem er sjúkur, á rétt til sjúkradagpen-
inga, samkvæmt 53. gr. almannatryggingalaga. Sá, sem
er ófær til vinnu vegna örorku, á jafnan rétt til örorku-
bóta, samkvæmt 14. gr. sömu laga. Sá, sem er óvinnufær
vegna elli, á rétt til ellilífeyris samkvæmt 13. gr., sbr. þó
22. gr. sömu laga og sá, sem er ófær til vinnu vegna slyss,
á rétt til slvsadagpeninga, samkvæmt 36. gr. sömu laga.
6. Þeir, sem neita vinnu, er þeim býðst, svo að sannað
sé, skulu ekki fá greiddar bætur, sbr. e-lið 16. gr. Þetta
gildir þó ekki, ef verkfall eða verkbann livílir á vinnunni,
sem þeim hefur boðizt. Ef kaupgjald og vinnutími er ekki
í samræmi við taxta og kjarasamninga lilutaðeigandi
verkalýðsfélaga, fyrirgerir umsækjandi ekki bótarétti sín-
um, þó að hann neiti slíkri vinnu. Þá veldur það beldur
ekki bótamissi, þó að synjað sé vinnu, ef eitthvert van-
hæfi er á henni, sem úthlutunarnefnd tekur gilt. 1 þvi
sambandi mætti t. d. hugsa .sér mann með ofnæmissjúk-
dóm. Hann er e. t. v. fær til flestrar vinnu, en getur þó
ekki stundað hvaða vinnu sem er vegna sjúkdómsins. Ef
honum býðst nú vinna, sem er skaðleg heilsu lians, ætti
úthlutunarnefnd að meta vanhæfið á vinnunni gilt gagn-
14
Tímarit lögfræöinga