Tímarit lögfræðinga - 01.06.1958, Blaðsíða 29

kvæmdar, og féll heimild Bandalagsins niður, er sett var
reglugerð um flutningsrétt á ritverkum og tónsmíðum nr.
19 frá 1949, sem enn er í gildi. Árið áður, 1948, hafði ver-
ið stofnað Samband tónskálda og eigenda flutningsréttar,
sem skammstafað er STEF. Menntamálaráðherra veitti
því nú löggildingu um flutningsrétt á tónsmíðum, og eru
samþjdcktir þess og úthlutunarreglur staðfestar af ráð-
herra. Einnig var það skilyrði sett, að gjaldskrá um þókn-
un til höfunda yrði birt í Lögbirtingablaðinu.
Rithöfundar hafa ekki komið á fót stofnun, sem starfi
með sama hætti og STEF. Þeir hafa að undanförnu skipzt
í tvö stéttarfélög, þ. e. Félag íslenzkra rithöfunda og Rit-
liöfundafélag Islands, og hefur það torveldað nokkuð
framkvæmd þessara mála. Árið 1951 var skipuð þriggja
manna nefnd, þar sem félögin lögðu til hvort sinn nefnd-
armanninn, en Bandalag islenzkra listamanna hinn þriðja.
Löggilti ráðherra nefnd þessa til að fara með almenna að-
ild um flutningsrétt á ritverkum. Árið 1952 gerði nefndin
samning við Ríkisútvarpið um þóknun til höfunda fvrir
flutning ritverka. Nú hefur nefndin hætt störfum og þetta
fyrirkomulag verið afnumið, en í þess stað hafa rithöf-
undafélögin stofnað sérstakt samband, sem þau standa
bæði að. Sambandið hefur ekki fengið löggildingu um
flutningsaðild, en gert hefur það samning við Ríkisút-
varpið um greiðslur til höfunda. Eins og fj'rirkomulagi
sambandsins er háttað, mun það elcki fullnægja skilyrð-
um höfundalaganna um almenna aðild flutningsréttar,
en vænta má, að þessi málefni rithöfunda komist í fast-
ara horf, áður en langt um líður, og að réttargæzlan verði
í framtíðinni háð stéttarsamtökum þeirra.
Um sögu höfundaréttar fram til loka 18. aldar er
einkum stuðzt við ritið: Urheberrecht an Schrift-
werken und Verlagsrecht eftir Josef Kohler (Stutt-
gart 1907). Að öðru leyti hafa ýmis norræn rit um
höfundarétt verið höfð til hliðsjónar.
Tímarit lögfrœöinga
75