Tímarit lögfræðinga - 01.06.1958, Síða 31

úr EvrópuráÖinu og losna þannig við skuldbindingar sam-
kvæmt stofnskránni.
Stofnskrá Evrópuráðsins var undirrituð í London hinn
5. maí 1949, en Island gerðist aðili að henni hinn 7. marz
1950, er aðildarskjal um þátttöku íslands í Evrópuráð-
inu var afhent aðalforstjóra þess.
Þegar á fyrstu árum Evrópuráðsins var hafizt lianda
um að gera tilraun til að koma í framkvæmd markmiði
því, sem um ræðir í niðurlagi 1. gr. stofnskrárinnar um
varðveizlu og eflingu almennra mannréttinda og mann-
frelsis. Á öðru þingi Evrópuráðsins, sem haldið var í
Rómaborg síðsumar 1950, var samþvkkt uppkast að mann-
réttindasáttmála, en ráðherranefnd Evrópu samþykkti
hann endanlega og undirritaði hinn 4. nóv. 1950.
Að baki mannréttindasáttmála þessum liggur mikið
starf sérfræðinga, sem sömdu hann. Fjallað var ítarlega
um málið á tveim fyrstu þingum Evrópuráðsins og á
ýmsum fundum ráðherranefndar þess. Samræma þurfti
sjónarmið aðildarríkjanna, sem mismunandi var í nokkr-
um atriðum. Mannréttindasáttmálinn var raunar ekki
fullgerður, er hann var samþykktur og ákveðið var þá
þegar að auka við hann siðar nokkrum atriðum, er ekki
hafði unnizt tími til að lúka. Var því lokið 1952 og við-
bótarbókun við hann samþj'kkt í ráðherranefndinni i
París hinn 20. marz það ár. Island gerðist formlegur aðili
að mannréttindasáttmálanum ásamt fj'rrgreindri viðbót
hinn 29. júní 1953, er fullgildingarskjöl voru afhent. Mann-
réttindasáttmálinn heitir í islenzkri þýðingu Samningur
um verndun mannréttinda og mannfrelsis, á ensku Con-
vention for the protection of human rights and funda-
mental freedoms og á frönsku Convention de sauvegarde
des droits de l’homme et des libertés fondamentales.
Alisherjarþing Sameinuðu þjóðanna samþvkkti, svo sem
kunnugt er, mannréttindayfirlýsingu í 30 greinum hinn
10. des. 1948. Mannréttindayfirlýsing þessi er raunveru-
lega stefnuvfirlýsing aðildarríkjanna um að koma í fram-
Tímarit lögfrceöinga
77