Tímarit lögfræðinga - 01.08.1978, Síða 6

MAGNÚS MAGNÚSSON
Foreldrar Magnúsar, hjónin Sigurlaug Guð-
mundsdóttir og Magnús Kristinsson, sem
bjuggu á Ægissíðu á Vatnsnesi í Húnavatns-
sýslu, og fólk, sem var á heimilinu er hann
fæddist, töldu hann fæddan 6. júní 1892. Liðu
svo árin, að ætíð var haldið upp á afmæli hans
þann dag, en þegar að því kom að hann festi
ráð sitt haustið 1919, kom í Ijós, öllum til furðu,
að í fæðingarvottorðinu stóð, að hann væri
fæddur 27. maí. Flestir munu trúlega telja um-
sögn foreldra um fæðingardag barna sinna ör-
uggari heimild en innfærslu í kirkjubækur, en
Magnús virti bókstafinn og taldi síðan 27. maí
afmælisdag sinn, þó að komið hafi fyrir, eink-
um fyrr á árum, að hann héldi upp á báða
dagana.
Magnús minnist foreldra sinna af mikilli ástúð og virðingu, en gleymir
ekki hjónunum Guðbjörgu Pálsdóttur og Engilbert Engilbertssyni, sem voru
hjú á heimili foreldra hans, þegar hann fæddist. Þau tóku ástfóstri við hann
þegar á fyrsta ári og fengu að taka hann með sér, þegar þau fóru frá Ægis-
síðu, og ólu hann upp til fermingaraldurs. Við þessi góðu hjón taldi hann
sig í meiri þakkarskuld en nokkurn annan, og hafi menn þó reynst sér vel
á lífsleiðinni. Hjá fósturforeldrum sínum hafði hann fengið að liggja í bókum
öllum stundum, og lestri íslendingasagna kvaðst hann fyrst og fremst eiga
að þakka það, sem hann kunni í íslensku, og harmar mjög, að lestur þeirra
rita skuli nú að mestu lagður niður hjá unglingum.
Er Magnús var 21 árs, hafði hann verið eitt ár í Hvítárbakkaskóla og tvö
ár farkennari í Svínavatnshreppi, en vorið 1913 hélt hann til Akreyrar og tók
þar próf upp í 3. bekk gagnfræðaskólans og lauk þaðan gagnfræðaprófi vorið
eftir. Lá svo leiðin til Reykjavíkur haustið 1914, og settist hann þar í 4. bekk
menntaskólans og lauk þaðan stúdentsprófi vorið 1917. í þeim hópi voru 40
stúdentar, margir þjóðkunnir menn, og urðu það langlífir, að 28 voru á lífi
50 árum síðar. Síðasta áratuginn hafa þeir horfið á braut, hver af öðrum,
þar á meðal lögfræðingarnir Björn E. Árnason endurskoðandi, Grétar Ó. Fells,
Lárus Jóhannesson hæstaréttardómari og lengi formaður Lögmannafélags
Islands, Óskar Borg, Sigurður Grímsson og nú Magnús Magnússon. Á lífi eru
Benedikt Gröndal forstjóri, séra Gunnar Benediktsson, Kristján Albertsson
rithöfundur, séra Sigurjón Árnason, Sveinn Sigurðsson, Valtýr Albertsson
læknir og Vilhjálmur Þ. Gíslason, fyrrverandi útvarpsstjóri.
Að loknu stúdentsprófi stóð hugur Magnúsar til náms í íslenskum fræðum,
bókmenntum og sögu. Hugðist hann nema þau fræði við Kaupmannahafnar-
háskóla, en til þess skorti hann fé, og þær framtíðarhorfur, sem við blöstu
að námi loknu, með skuldabagga á herðum, hafa trúlega vaxið honum nokkuð
í augum. Niðurstaðan varð sú, að hann innritaðist í lagadeild Háskóla íslands
og lauk þaðan embættisprófi í febrúar 1922 með góðri einkunn. Hlaut hann
52