Tímarit lögfræðinga - 01.08.1978, Síða 46

aðstöðu til kennslu og náms og gera tillögur til úrbóta, ef hún telur þess þörf
og (2) að semja umsagnir um tillögur, er lúta að námsskipan og öðrum málum,
er baeði varða kennara og stúdenta.
Meginviðfangsefni nefndarinnar til þessa hefur verið að undirbúa tillögur
til breytinga á reglum um skipan laganáms. Hafa hugmyndir, sem nefndin
hefur fjallað um, komið til umræðu á tveim fundum lagadeildar í maí og júní
1978. Enn er óráðið, hverjar breytingar verða gerðar á náms- og/eða próf-
reglum.
8. Erlendir fyrirlesarar
Prófessor Charles L. Black, jr. hélt opinberan fyrirlestur á vegum lagadeild-
ar um „Politics and the Constitution in America Today“ hinn 13. janúar 1978.
Charles L. Black, jr. er prófessor við lagadeild Yale háskólans í New Haven,
Connecticut, Bandaríkjunum. Áheyrendur voru allmargir, flestir úr hópi laga-
nema.
17. apríl 1978 hélt dr. Alexander M. Jakovlev, félagi í Vísindaakademíu
Ráðstjórnarríkjanna, fyrirlestur á vegum lagadeildar og Lögfræðingafélags
tslands. Fjallaði fyrirlesturinn um hina nýju stjórnarskrá Ráðstjórnarríkjanna.
Prófessor dr. jur. W. E. v. Eyben frá Kaupmannahöfn flutti fyrirlestur í boði
lagadeildar og Lögfræðingafélags íslands 27. apríl 1978. Nefndist fyrirlestur-
inn, sem fluttur var á dönsku, ,,Ný viðhorf í norrænum fjármunarétti". Áheyr-
endur voru margir og gerðu góðan róm að máli v. Eybens.
Allir fyrirlestrarnir voru haldnir í Lögbergi.
9. Bókagjöf
Svo sem fram kemur hér að ofan heimsótti Charles L. Black, jr., prófessor
við Yale háskóla lagadeild í janúar 1978. Bauðst hann þá til að senda Há-
skólabókasafni (safndeildinni í Lögbergi) ,,The Yale Law Journal“ jafnóðum
og ritið kemur út. Var því boði að sjálfsögðu tekið með þökkum. Háskóla-
bókasafn hefur fengið ritið frá og með nóvemberhefti 1977 (en það er 1. hefti
87. árg.). Eins og kunnugt er, þykir ,,The Yale Law Journal“ eitt fremsta lög-
fræðitímarit í Bandaríkjunum og þótt víðar væri ieitað. Lagadeild þakkar
prófessor Black þessa ágætu gjöf.
Safndeildin í Lögbergi fær nú tvö bandarísk lögfræðitímarit, ritið frá Yale
og „Harvard Law Review," en Háskólabókasafn hefur verið áskrifandi að þvi
frá áramótum 1976—7. Ástæða er til að hvetja lögfræðinga til að kynna sér
hvað rit þessi hafa upp á að bjóða og ekki síður að fylgjast með því, er fram
kemur í enskum lögfræðitímaritum, sem íslensk söfn eru áskrifendur að. Ensku
ritin eru ,,The Law Quarterly Review,“ sem til er nokkuð langt aftur í tímann
á Háskólabókasafni og í bókasafni Hæstaréttar, og ,,The Modern Law Review,“
sem aðeins er til í bókasafni Hæstaréttar.
Arnljótur Björnsson.
92