Ægir - 01.08.1995, Blaðsíða 24

Gunnar Sigurjónsson sveitarstjóri Skeggjastaðahrepps:
Reiðarslag fyrir stað
eins og Bakkafjörð
„Ég get ekki séð annað en að þetta sé
reiðarslag fyrir stað eins og Bakkafjörð,"
sagði sr. Gunnar Sigurjónsson sóknar-
prestur á Skeggjastöðum og sveitarstjóri
Bakkfirðinga í samtali við Ægi. Sr.
Gunnar stóð reyndar í búferlaflutning-
um þegar viðtalið fór fram en hann flyt-
ur til Kópavogs þar sem hann tekur við
Digranesprestakalli eftir sjö ára vist fyrir
austan.
„Öll sjávarpláss á landinu sem hafa
undanfarin ár treyst á afla krókabáta
munu trúlega þurrkast út. Hér höfum
við árum saman heyrt stjórnmálamenn
tala um sérstakar aðgerðir fyrir staði
eins og Bakkafjörð, Grímsey og Borgar-
fjörð eystri þar sem menn lifa nær ein-
göngu af afla og útgerð smábáta en
hvorki ég né aðrir höfum enn séð efnd-
irnar.
Við hérna á Bakkafirði erum varla
búin að átta okkur á þeim afleiðingum
sem þessi samdráttur getur haft á okkar
byggbarlag en það er ljóst að full ástæða
er til þess að hafa miklar áhyggjur af
framvindunni. Þó er varla hægt að segja
ab þetta hafi komið mönnum á óvart
því þetta mátti vissulega sjá fyrir.
Ég er ekki viss um ab ráðamenn hafi
gert sér fulla grein fyrir því hvaða afleib-
ingar þessi lagasetning mun hafa fyrir
sjávarþorp eins og okkar. Mér sýnist
markmiö laganna vera það helst að
leggja útgerð smábáta niður."
Á Bakkafirði búa 126 manns og á síð-
asta ári var landað aflaverðmæti króka-
báta rúmar 88 milljónir. Afli hefur auk-
ist á Bakkafirði undanfarin ár og þakk-
ar Gunnar Sigurjónsson það meðal ann-
ars verulega bættri hafnaraðstöðu sem
laðar aðkomubáta til Bakkafjarðar á
sumrin.
„Þetta er trúlega ein besta smábáta-
höfn á landinu og héðan er stutt á gjöf-
ul fiskimiö. Það er óneitanlega sérstæð
fjárfesting að byggja góba og dýra höfn
fyrir smábáta sem síðan nýtist ekki
vegna niðurskurðar i afla þeirra."
Bakkafjörður
Aflaverðmæti 1991: 52.181
Þar af krókabátar: 17.911
Aflaverðmæti 1994: 119.668
Þar af krókabátar: 88.775
(í þúsundum króna)
Gunnar Sigurjóns-
son sveitarstjóri
Skeggjastaöa-
hrepps: „Öll
sjávarþorp á
landinu sem hafa
undanfarin ár
treyst á afla
krókabáta
munu trúlega
þurrkast út.“
Guðmundur B. Magnússon
oddviti á Drangsnesi:
Áfall fyrir okkur
„Við erum mjög uggandi yfir þessari
framvindu. Við höfum lengi ekki viljað
trúa því að þetta myndi gerast en nú er
það raunveruleiki," sagði Guðmundur
B. Magnússon oddviti og kaupfélags-
stjóri á Drangsnesi vib Steingrímsfjörð í
samtali við Ægi. „Það er skelfilegt að
heyra menn tala eins og það séu helst
smábátar sem eru að ganga frá þorsk-
stofninum. Þetta er svo mikil vitleysa ab
það tekur engu tali."
Drangsnes er sjávarþorp þar sem búa
110 manns. Þar er unnið frekar lítið af
bolfiski en sá afli sem kemur á land er
nær eingöngu af krókabátum. Rækja og
grásleppa eru þær fisktegundir sem
skapa mest verðmæti á staðnum.
„Hér eru nokkrar fjölskyldur sem
reiba sig á veiði krókabáta og þessar
veiðar eru nauðsynlegur stuðningur
þeirra sem stunda grásleppuveiðar sem
t.d. brugðust verulega í vor. Ef ekki
hefðu verið krókabátar hefði illa farib."
Afli krókabáta eftir landshlutum frá því að farið var að gefa út krókaleyfi
Landshluti 1991 1992 1993 1994
Suðurland 1.183 790 702 1.082
Reykjanes 8.887 12.465 8.649 14.272
Vesturland 2.426 2.328 2.784 2.613
Vestfirðir 3.283 6.290 6.826 9.971
Norðurland vestra 1.144 1.660 1.663 2.029
Norðurland eystra 4.176 3.925 4.417 6.566
Austfirðir 2.333 2.856 2.501 4.409
Erlendis 573 164 249 144
Samtals 24.005 30.478 27.791 41.086
Fjöldi báta alls 912 980 962 990
24 ÆGIR