Tímarit lögfræðinga - 01.12.1995, Síða 66

með umsögninni um stjómarskrárfrumvarpið að stigið hefði verið langt út fyrir
þessa línu. Ræðumaðurinn taldi að um væri að ræða ágreining um tjáningar-
frelsi félagsins. Tillaga formannanna fæli í sér þá meginreglu, að félagið tjáði
sig ekki um pólitísk málefni. Taldi hann grandvöll félagsins bresta ef félagið
ætlaði að halda áfram að tjá sig um pólitísk málefni. Sagði ræðumaður að um-
sagnarhlutverk félagsins væri fólgið í því að benda á lagasamræmi, réttaráhrif
laga eða árekstra þeirra við stjómarskrá.
Hákon Ámason hrl. fjallaði um framkomna breytingartillögu og lýsti yfir
stuðningi við hana, þrátt fyrir að hann hefði verið einn af þeim, sem undirrituðu
upphaflegu tillöguna. Hann hefði hins vegar við undirritunina áskilið sér rétt til
að draga stuðning sinn við hana til baka og myndi nú nýta sér þann rétt. Ræðu-
maður taldi að öflugt lögmannafélag væri lögmönnum nauðsynlegt. Með því að
styðja breytingartillöguna væru menn að slíðra sverðin.
Ragnar Aðalsteinsson hrl. ræddi forsendur athugunar félagsins á stjórnar-
skrárfrumvarpinu. Aðallega hefði verið um að ræða athugun á því hvort stjórn-
arskrárfrumvarpið hefði verið í samræmi við samþykkt Alþingis frá 17. júní
1994, en svo hefði ekki reynst vera. Taldi hann félagið vera í hættu ef upphaf-
lega tillagan yrði samþykkt. Félagið væri óháð og frjálst og því gæti það tekið
sjálfstæða afstöðu til ýmissa lagafrumvarpa. Framtíðin væri fólgin í því að hafa
áhrif á lagasetningu.
Gestur Jónsson hrl. skoraði á fundarmenn að skoða tillöguna vel. Hann taldi
að ekki væri verið að takmarka rétt félagsins til umsagnar um lagafmmvörp
með henni. Ingólfur Hjartarson hrl. taldi að ekki hefði verið farið út fyrir þau
mörk sem eiga að gilda um umfjöllun félagsins um þjóðfélagsmál. Helgi V.
Jónsson hrl. taldi aðild félagsins að Mannréttindaskrifstofunni hugsanlega vera
andstæða 2. gr. samþykkta félagsins. Eftir umræður um tillögumar var gengið
til atkvæða. Fyrst var borin undir atkvæði breytingartillaga Jakobs R. Möller
hdl. og Sigurmars K. Albertssonar hrl. Var hún felld með 77 atkvæðum gegn
40, 4 seðlar voru auðir. Upphaflega tillagan var samþykkt með 73 atkvæðum
gegn 44, 2 seðlar voru ógildir. Atkvæðagreiðslan var í bæði skiptin skrifleg.
Fleira var ekki á dagskrá aðalfundarins og var fundi slitið.
Marteinn Másson, framkvæmdastjóri L.M.F.Í.
308