Tímarit lögfræðinga - 01.07.2002, Side 51

og ennfremur fyrirmæli um tiltekna hegðun til að uppræta raunveruleg eða
möguleg samkeppnishamlandi áhrif af broti eða aðstæðum, sbr. fyrmefndan c-
lið 1. mgr. 17. gr. í athugasemdum við 17. gr. í greinargerð með frumvarpi því
sem varð að lögum nr. 8/1993 er að finna upptalningu á mögulegum úrræðum
samkvæmt greininni. Þar segir:
Ráðið getur bannað fyrirtæki að nota ákveðna skilmála eða samningsákvæði, t.d.
ákvæði um að samningsaðili skuli ekki hafa vömr frá keppninautum á boðstólum.
íhlutun getur falist í fyrirmælum til fyrirtækis um að selja ákveðnum aðila sem vill
kaupa framleiðslu þess. Þá getur samkeppnisráð mælt fyrir um á hvaða verði fyrirtæki
eða fyrirtækjahópar skuli selja vömr sínar eða þjónustu. Sú heimild kemur einkum til
greina þegar samkeppni er ófullnægjandi. Hin ófullnægjandi eða takmarkaða sam-
keppni getur átt sér ýmsar orsakir. Fyrirtækin, sem í hlut eiga, kunna að hafa komið
málum svo fyrir með því að viðhafa ýmiss konar samkeppnishindranir. Fyrirtæki kann
að vera markaðsráðandi sökum eðlis þess sviðs sem það starfar á, svo sem veitu-
fyrirtæki og ýmis önnur þjónustufyrirtæki fyrir almenning. Loks getur fyrirtæki verið
einrátt á markaði sökum þess að hið opinbera eða löggjafinn hefur séð svo til.
Lögð er áhersla á að aðstæður geti verið svo fjölbreytilegar að slík upp-
talning mögulegra og heimilla úrræða geti ekki verið tæmandi. Að öðru leyti
vitna ákvarðanir samkeppnisráðs best um fjölbreytileik þeirra úrræða sem til
greina kemur að beita. Skulu hér nefnd dæmi nánast af handahófi.
Ákvörðun 19/1997. „Með heimild í 17. gr. samkeppnislaga nr. 8/1993 mælir
samkeppnisráð fyrir um að Áfengis- og tóbaksverslun ríkisins bjóði viðskiptavinum
sínum viðskiptakjör við sölu á tóbaki sem samræmast því hagræði sem magn
viðskiptanna gefur tilefni til. Viðskiptakjör skulu vera almenn þannig að fyrirtæki
sem eiga í samskonar viðskiptum við Áfengis- og tóbaksverslunina njóti sömu
kjara. Upplýsingar um viðskiptakjör í viðskiptum með tóbak skulu aðgengilegar hjá
Áfengis- og tóbaksverslun ríkisins".30
Ákvörðun 20/1997. „Með vísan til 17. gr. samkeppnislaga nr. 8/1993 beinir sam-
keppnisráð þeim fyrirmælum til Farmasíu hf. að hefja þegar viðskipti með
tannplanta við þá tannsmiði og tannlækna sem þess óska nema hlutlægar og mál-
efnalegar ástæður gefi tilefni til annars“.
Ákvörðun 23/1997. „Með vísan til 17. gr. samkeppnislaga nr. 8/1993 mælir sam-
keppnisráð fyrir um að ákvæði í gr. 9 í leigusamningi vegna Hótels Norðurljósa sem
kveður á um, að Raufarhafnarhreppur skuli leitast við að beina sínum hótelvið-
skiptum til leigutaka, verði fellt úr samningnum. Ekki er ástæða til íhlutunar sam-
keppnisráðs að öðru leyti í máli þessu“.
30 Ákvörðunin var síðar felld úr gildi með úrskurði áfrýjunamefndarinnar 11/1997. Sjá slóðina
http.//www.samkeppni.is
145