Ægir - 01.11.1999, Blaðsíða 35

SAMLEIÐ MEÐ ÍSLENSKUM SJÁVARÚTVEGI
Norðmenn óánægðir
með kvótasamninga
Norðmenn og íslendingar hafa tekist á um margra ára skeið vegna veiða í Barentshafi.
Jafnvel þó samningar hafi náðst eru Norðmenn ekki alls kostar ánœgðir með sinn hlut.
N'orðmenn telja Pólland, ísland
og Svíþjóð hafa borið mest lír
býtum í fiskveiðisamningunum milli
Noregs og annarra landa, en Rúss-
land minnst.
Norðmenn eru óánægðir með sinn
hlut, tæpa 10,5 milljarða íslenskra
króna, sem þeir fengu í samningum
við Evrópusambandslöndin og einstök
önnur lönd. Þeir telja sig hafa látið af
hendi fiskveiðiheimildir fyrir 1,2 millj-
örðum ÍSK meira en þeir fengu.
Fengu kvaðalausar
aflaheimildir
Pólland og Svíþjóð eru einu löndin
sem fengu aflaheimildir á norskum
hafsvæðum án þess að láta nokkuð á
móti. Hlutur Póllands er 585 milljónir
ÍSK og hlutur Svíþjóðar 405 milljónir.
Evrópusambandslöndin fá mestar
veiðiheimildir á norskum hafsvæðum,
tæpa 7,3 milljarða ÍSK eða um 70% af
öllum fiskveiðiheimildum sem Noreg-
ur veitir. Einungis Færeyingar og Rúss-
ar veita Norðmönnum meiri aflaheim-
ildir en þeir fá frá þeim.
Hér er miðað við verð á fiski upp úr
sjó í Noregi og ekki tekið tillit til þess
að ekki verða allar heimildir nýttar til
fulls.
Verð
Gera má ráð fyrir einhverjum skekkj-
um þar eð alls staðar er miðað við
meðalverð. Verð á loðnu er miðað við
sölu til iðnaðar. Ekki hefur enn náðst
samkomulag um skiptingu 10.000
tonna af makríl milli Noregs, Evrópu-
sambandslandanna og Færeyja en
Norðmenn gera ráð fyrir því að fá
3.000 tonn í sinn hlut.
REVTINGUR
Samningarnir
við Evrópusambandslöndin
Fiskveiðisamningarnir við Evrópu-
bandalagslöndin eru stærstir í sniðum.
Þar er samið um afla sem er að verð-
mæti rúmir 123 milljarðar ÍSK. Norð-
menn veita aflaheimildir fyrir 7,3
milljarða ÍSK en fá í staðinn 6 millj-
arða. Auk þess sömdu þeir um veiði-
heimildir í Skagerrak og Kattegat.
í Smugusamningunum fá íslending-
ar sex sinnum meira en Norðmenn en
ekki tíu sinnum meira eins og fullyrt
var á sínum tíma.
í samningunum við Svíþjóð og Pól-
land veita Norðmenn heimildir fyrir
afla að verðmæti meira en 900 millj-
ónir ÍSK án þess að fá nokkuð í stað-
inn.
Margir ólíkir samningar
Noregur er aðili að 12 samningum um
fiskveiðiheimildir. Auk þeirra eru
þrennir samningar sem snerta landið
óbeinlínis. í Suður-íshafinu hafa
Norðmenn veiðirétt en norsk fiskiskip
nýta hann ekki.
(Byggt á grein
í norska sjávariitvegsblaðinu Fiskaren)
NCm 35