Árbók Háskóla Íslands - 01.01.1984, Page 16

14
Árbók Háskóla íslands
að marka ákveðna stefnu í þessum efnum
skipaði háskólaráð fyrir nokkru svonefnda
Þróunarnefnd undir formennsku Þóris
Einarssonar prófessors. Hún skal annast
samræmingu og úrvinnslu 5 ára þróunar-
áætlunar, sem háskólaráð hefur falið
deildum að gera um kennslu og rannsókn-
ir með hliðsjón af auknu aðstreymi að há-
skólanámi og þörf þjóðarinnar fyrir há-
skólamenntað fólk. Má segja að um fram-
hald sé að ræða á svonefndri háskóla-
skýrslu frá 1969, sem nefndist Efling Há-
skóla íslands. Þróunarnefnd á að skila áliti
fyrirlok þessa árs.
Kermarar og rannsóknir
Eg býð nýja starfsmenn háskólans vel-
komna og þakka af alhug framlag þeirra
sem nú láta af störfum. Ágæti hvers fyrir-
tækis og stofnunar fer eftir þeim starfs-
mönnum sem þar vinna. Við söknum
þeirra ágætu félaga sem látist hafa. Há-
skóli íslands hefur á að skipa kennaraliði
með fjölþætta menntun sem sótt hefur ver-
ið til margra af bestu vísindastofnunum
heims.
í því skyni að fá yfirlit yfir það undir-
búningsstarf, sem menn hafa lagt af mörk-
um til þess að gera sig hæfa til háskóla-
kennslu og rannsókna, hef ég látið taka
saman skrá er sýnir menntun kennara
háskólans eftir stúdentspróf. Skráin er birt
í Árbók Háskóla íslands 1980—1981, sem
er nýkomin út. Þar kemur m. a. fram að af
230 föstum kennurum hefur 91 doktors-
próf frá 52 háskólum. Þar af hafa 29 dokt-
orspróf frá Bandaríkjunum, 13 frá Eng-
landi, 12 frá Vestur-Þýskalandi, 11 frá Há-
skóla íslands, 11 frá Skotlandi, 9 frá Sví-
þjóð o. s. frv.
Þessir menn eru sumir hverjir gjald-
gengir í hvaða háskóla sem er í heiminum,
og margir gætu auðveldlega haft hærri
tekjur við önnur störf hér á landi. Flestir
eru að kaupa rannsóknarfrelsið dýru
verði. Finni þeir, að áhugi þeirra og við-
leitni séu ekki metin, er voðinn vís, sér-
staklega þar sem þeir eru flestir ungir að
árum, u. þ. b. 80% þeirra hafa verið ráðnir
á síðastliðnum 10 árum.
Það er vilji háskólans að efla þjónustu-
rannsóknir, bæði til þess að sérþekking há-
skólastarfsmanna nýtist í þágu þjóðfélags-
ins og til þess að afla háskólanum tekna.
Háskólaráð hefur samþykkt að 10% af
tekjum af þjónusturannsóknum skuli veitt
til grunnrannsókna, sem alltaf hljóta að
verða uppistaðan í fræðastarfi hvers há-
skóla. Þá hafa Háskóli Islands og Reykja-
víkurborg gert með sér samning um að
ráða starfsmann til að vinna að framgangi
rafeindaiðnaðar í borginni og að eflingu
þjónusturannsókna í háskólanum.
I þessu sambandi vil ég einnig minna á
það samkomulag sem náðist á þessu ári
milli Reykjavíkurborgar og háskólans um
makaskipti lands á Keldum, afmörkun
háskólalóðar, fyrirheit um afgreiðslu
skipulagstillögu fyrir miðsvæði háskólans
o. fl. Er þar tryggt athafnasvæði fyrir rann-
sóknastarfsemi í landinu og háþróaðan
tækniiðnað í Reykjavík næstu áratugi.
Endurmenntun
Vegna sérstöðu háskólans í þjóðfélag-
inu, sem tekur sífelldum breytingum, má
búast við að hann verði að sinna endur-
menntun í æ ríkara mæli.
Háskólinn, BHM og nokkur aðildarfé-
lög þess hafa gert með sér samning um
endurmenntun og umsjónarmaður hennar
verið ráðinn. Að öðru leyti er gert ráð fyrir
að námskeið standi undir sér ijárhagslega.
Gjafir
Háskólinn er þakklátur fyrir þær gjafir
sem hann hefur fengið.
Líffræðistofnun bárust rannsóknartæki
frá Alexander von Humboldt-stofnuninni
í Vestur-Þýskalandi.
Jarðfræðiskor bárust tæki frá íslenska
álfélaginu.