Árbók Háskóla Íslands - 01.01.1984, Side 97

Kaflar úr gerðabókum háskólaráðs
95
III. Próf og kennsla
Sjávarútvegsfræði
Fram voru lagðar umsagnir viðskipta-
deildar, verkfræði- og raunvísindadeildar
og félagsvísindadeildar um tillögur nefnd-
ar um kennslu í útvegsfræðum við Há-
skóla íslands.
Rektor lagði fram svofellda tillögu:
„Háskólaráð beinir því til viðskipta-
deildar og verkfræði- og raunvísindadeild-
ar að biðja um fjárveitingar í því skyni að
kennsla í útvegsfræðum geti hafist haustið
1985 með hliðsjón af tillögum í nefndar-
áliti frá nóvember 1983. Jafnframt verði
skipuð nefnd innan verkfræði- og raunvís-
indadeildar um frekari kennslu á þessu
sviði, og viðskiptadeild og félagsvísinda-
deild athugi samvinnu í þessum efnum.“
Eftir nokkrar umræður var tillagan sam-
þykkt með 10 atkvæðum gegn 1.
Olína Þorvarðardóttir óskaði eftirfar-
andi bókunar:
„A meðan fjöldatakmarkanir eru við-
hafðar í ákveðnum deildum háskólans
sökum aðstöðu og ljárskorts, tel ég það
fremur hlutverk háskólaráðs að knýja á
um auknar ljárveitingar til að bæta aðbún-
að þeirra deilda og að láta þau mál hafa
forgang fram yfir verkefni á borð við það
að taka upp nýjar kennslugreinar við Há-
skóla Islands. Frumskilyrðið er að búa
sómasamlega að þeim stúdentum og kenn-
urum sem þegar starfa við háskólann.“
17.05.84
Skortur á stærðfræðikennurum
Lagt fram bréf mrn., dags. 26. júlí s.l.
Torvelt hefur reynst að fá kennara í stærð-
fræði við framhaldsskóla með fullum
kennsluréttindum í greininni. Æskilegt er
að tekið verði til athugunar hvort nú sé á
vegum stærðfræðiskorar kostur á námi er
sé nægilega vel sniðið við hæfi þeirra sem
hyggjast starfa að kennslu í stærðfræði á
framhaldsskólastigi. Svipaða athugun
kynni að vera ástæða til að gera í fleiri
greinum, t. d. eðlisfræði. 25.08.83
Endurmenntun
Framlenging á samningi um endur-
menntun við BHM og nokkur aðildarfélög
þess. Á fundinn kom Margrét S. Björns-
dóttir endurmenntunarstjóri og gaf hún
skýrslu um starfsemina á þessu ári. Lagði
hún fram áætlun um væntanleg endur-
menntunarnámskeið á þremur fyrstu
mánuðum næsta árs. Rektor var heimilað
að framlengja samninginn fyrir hönd Há-
skóla íslands með nokkrum breytingum á
framlagi aðila 15.12.83
IV. Fjármál og byggingamál
Happdrætti Háskóla íslands
Reikningar happdrættisins fyrir árið
'982 fram lagðir og samþykktir. í stjórn
uaPpdrættisins voru kjörnir Guðmundur
"íagnússon rektor og prófessorarnir Arn-
úotur Björnsson og Jónas Hallgrímsson.
Endurskoðendur voru kjörnir Atli Hauks-
son, löggiltur endurskoðandi, og Stefán
Sörensson háskólaritari.
Reikningar happdrættisins fyrir árið
1983 voru fram lagðir og samþykktir og
sömu menn þá endurkjörnir í stjórn og til
endurskoðunar. 13.09.83 23.04.84