Dýraverndarinn - 01.09.1979, Blaðsíða 4

Ársskýrsla S.D.Í. fyrir árið 1978
flutt á aðalfundi 15. maí að Hótel Esju
Aðalfundur Sambands dýra-
verndunarfélaga íslands fyrir
starfsárið 1977 var haldinn dag-
ana 5. og 19- mars 1978. Eftir-
taldir menn voru kosnir í stjórn:
Jórunn Sörensen, formaður.
Gunnar Steinsson, varaformaður.
Ólafur Jónsson, ritari.
Hilmur Norðfjörð, gjaldkeri.
Meðstjórnendur:
Gauti Hannesson,
Kristleifur Einarsson,
Paula S. Sörensen.
Varamenn:
Skúli Ólafsson,
Álfheiður Guðmundsdóttir,
Sverrir Þórðarson,
Sólveig Theodórsdóttir.
Endurskoðendur:
Magnús Þorleifsson,
Þórður Þórðarson.
Tvennt er einkum áberandi við
störf sambandsins á þessu starfsári.
Það er í 1. lagi að mikilvæg ný-
breytni í störfum og fjáröflunar-
leiðum hefur verið tekin upp, en
í 2. lagi að nokkur mál sem voru í
skýrslunni í fyrra eru enn í henni
núna og sum þeirra koma við sögu
ár eftir ár. Þannig, að um það má
deila hvort árangurinn sé nokkur,
miðað við erfiðið. Staðreyndin er
sú, að það er langt frá því að öllum
málum sé farsællega komið í höfn
þó S.D.Í. hafi gert ráðstafanir
gagnvart viðkomandi yfirvöldum
og þeir aðilar sem eiga að sinna
lögbrotum hafi fengið málið í
hendur. Jafnvel þó að fyrir liggi
úrskurður dýralæknis og annarra
ábyrgra aðila um, að um vítaverða
meðhöndlun hafi verið að ræða
gagnvart dýri eða dýrum, er mjög
erfitt í flestum tilfellum að fá yfir-
völd til að taka málið réttum tök-
um. „Við skulum sjá til", og aðrar
slíkar setningar eru eftirlætisvið-
kvæði yfirvalda, þegar um: brot á
dýraverndunarlögunum er að ræða.
Efni skýrslunnar er skipt í tvo
aðalkafla. Fyrst eru tekin fyrir
störf sambandsins við stjórnun,
fjáröflun og ýmsa kynningarstarf-
semi en síðan afskipti sambands-
ins vegna slæmrar meðferðar á
dýrum.
Starfsmaður
Það framfaraspor var stigið á
s.l. ári að ráðinn var starfsmaður
til S.D.Í. Sambandið er nú rúm-
lega 20 ára, en þetta er í fyrsta sinn
sem mögulegt hefur verið að ráða
fastan starfsmann. S.D.Í. stendur
á grunni Dýraverndunarfélags ís-
lands sem er meira en 60 ára gam-
alt og þar var aldrei fastur starfs-
maður síðan félagið missti Tungu,
þar sem rekin var hjálparstöð fyr-
ir dýr. Tungu missti félagið á
kreppuárunum.
Starfsmaður S.D.f. er Elín Tóm-
asdóttir félagi í Dýraverndunarfé-
lagi Reykjavíkur. Það er mikið lán
fyrir félagsskapinn að hafa fengið
þessa duglegu konu til starfa, en
Elín gengur að starfi sínu með
einstakri ósérhlífni. Elín var ráðin
til starfa 1. desember s.I. og er í
hálfu starfi.
Flóamarkaður
Sú nýlunda í fjáröflun sam-
bandsins sem hefur hreint og
beint lyft starfseminni í æðra veldi
og m.a. gert kleift að ráða starfs-
mann, er flóamarkaður sá sem
S.D.Í. rekur að Laufásvegi 1 og
hefur verið opinn núna í 9 mán-
uði.
í suttu máli er sagan þannig að
í fyrravor bar það mjög á góma
hjá stjórninni að halda flóamark-
að eins og gert var 1973 á Hall-
veigarstöðum og í Keflavík. Álf-
heiður Guðmundsdóttir var helsti
hvatamaðurinn að þessari umræðu.
Og þannig hittist á að í húsi syst-
ur hennar og mágs að Bókhlöðu-
stíg 2 (oft kallað Laufásvegur 1)
var laust verslunarhúsnæði í kjall-
aranum. Þetta húsnæði var sam-
bandinu boðið til að geyma muni
fyrir væntanlegan flóamarkað
þannig að hægt væri að safna
munum í rólegheitum.
En rétt á eftir var S.D.Í. boðið
húsnæðið fyrst til láns og síðar
gegn mjög óverulegri leigu til að
hafa þarna „standandi flóamarkað"
og er það í fyrsta sinn sem slíkt
hefur verið reynt á íslandi.
Það þarf ekki að orðlengja það
að flóamarkaðurinn hefur gengið
miklu betur en nokkur þorði að
vona og hefur öðru fremur gert
stjórninni kleift að stórauka starf-
semi sambandsins.
4
DÝRAVERNDARINN