Dýraverndarinn - 01.09.1979, Blaðsíða 29

Fundur um dýravernd á Eyrarbakka
Þann 31. maí s.l. var haldinn
fundur á Eyrarbakka um hunda-
hald í þéttbýli og dýravernd. Mál-
ið hafði verið nokkuð lengi í und-
irbúningi því sumrinu áður hafði
hundahald með skilyrðum verið
leyft á Eyrarbakka. Virtist vera
sem einhver misskilningur væri
meðal manna um framkvæmd-
ina á þessu hundahaldi og eins og
sumum óaði við því að hefta frelsi
hundanna. Þeir sem voru á móti
hundahaldi, héldu aftur á móti
uppi sterkri mótspyrnu fyrir laus-
um hundum og kenndu þeim um
flest það er miður færi.
Það voru þau Elín Sigurjóns-
dóttir og Kjartan Guðjónsson
oddviti sem höfðu veg og vanda
að undirbúningi fundarins. Hafði
Elín samband við formann S.D.I.
og bað hana að koma á fundinn
og hafa þar framsögu. Fóru þau
síðan austur Jórunn Sörensen for-
maður S.D.Í. og Skúli Ólafsson
varamaður í stjórn.
Fundurinn var ekki fjölsóttur
en þeir er sátu fundinn sýndu
málefninu mikinn áhuga. í sinni
framsöguræðu lagði Jórunn
áherslu á að þetta væru mikilsverð
tímamót hjá Eyrbekkingum og nú
hefðu þeir tækifæri til að sýna og
sanna í reynd að hundahald í þétt-
býli þyrfti aldrei að verða vanda-
mál. Benti hún á Kópavog sem
dæmi um stað þar sem illa hefði
farið frá upphafi. Þar hefði ver-
ið mikið af hundum fyrir mörg-
um árum semt hefðu alls ekkert
verið passaðir og hefðu vaðið um
í flokkum. Þetta hefði þá leitt til
þess að hundahald hefði alfarið
verið bannað í bænum. Og væri
það kunnara en frá þyrfti að segja
að því banni hefði verið framfylgt
af miklu harðfylgi og lítilli misk-
unnsemi. Einnig benti Jórunn
fundarmönnum á þær staðreynd-
ir að hundi líður síst ver, þó hann
sé siðaður og vel upp alinn og sé
ekki látinn vera á flækingi.
Annað aðalmál fundarins vakti
einnig mikinn áhuga fundarmanna
og er það von stjórnar sambands-
ins að það mál nái frant að ganga.
Jórunn bar fram þá tillögu að
reynt yrði að stofna dýraverndun-
arfélag á Eyrarbakka. Lagði hún
fram hugmynl að lögum. Miklar
umræður urðu um þessa tillögu
og var kosin undirbúningsnefnd
til að vinna að málinu. Hét Jór-
unn fullum stuðningi sambands-
stjórnarinnar við þetta mál.
J.S.
DÝRAVERNDARINN
29