Búnaðarrit - 01.01.1915, Síða 40

34
BÚNAÐARRIT
legar. En svo mikið er víst, að há fellur síðar en annað
gras, og liggja tvær auðsæjar orsakir til þess. Fyrst,
að hún sprettur siðar, og í öðru lagi er lítið um fræ-
myndun á henni, sem flýtir svo mjög fyrir trénun á
vanalegu grasi.
Þriðja og ef til vill veigamesta ástæðan á móti
þessu er það, að við þetta tapast háarbeitin handa kúnum
síðari hluta sumars, sem margir telja mikils virði.
Þetta yrði að bæta kúnum upp, helzt með dálítilli kraft-
fóðursgjöf, því venjulega hafa þær nóg til fylla um það
leyti, en vantar svo auðmeltan kjarna, að þær geti
haldið nyt.
Til lengingar fóðuröflunartímanum gæti komið til
greina fóðurrófnarækt; vinnan við ræktun þeirra kemur
að miklu leyti á þann tíma, sem ekki standa yfir hey-
annir. En til þess að það geti orðið arðvænlegt, þyrfti
þjóðin að fá bæði þekkingu á ræktun þeirra, verkfæri,
sem til þess heyra, og glöggar og greinilegar sannanir
þess, að það borgi sig.
Alt þetta gengur seint enn sem komið er, en eng-
inn vafi er á því, að betur gengi að fá kýr inn í nyt
á haustin, ef til væri þá fóðurrófur handa þeim, til að
jafna viðbrigði heys og haga.
4. Aðferðlr, sein spara hey og bæta.
Alt af frá landnámstið hefir vetrarbeit verið notuð
hór á landi til sparnaðar heyjum, einkum fyrir sauðfé
og hross. En þrátt fyrir þessa löngu reynslu þjóðar-
innar í þessu efni eru menn aldrei á eitt sáttir um
það, hvernig eigi að nota beitina. Árleg og augljós eru
dæmi þess, að menn ofætli fónaði á beit, en hitt er
ekki eins hávært, þó menn vanræki að nota beitina,
ýmist á þann hátt, að halda ekki fénaði nægjanlega til
haga, eða með því, að hirða ekki um að viðhalda eða
auka beitarþol fénaðarins.
Beitarþol fénaðarins hefir afarmikla þýðingu með