Búnaðarrit - 01.01.1939, Page 63
B Ú N A Ð A R R I T
59
8. Hildigunnur Hallsdóttir frá Gríshóli, Snæf.s.
9. Guðrún Benediktsdóttir frá Fosskoti, V.-Hún.
10. Líney Bentsdóttir frá Reykjavík.
Alltaf berast mun fleiri umsóknir að þessum stuttu
námsskeiðum en hægt er að verða við, og sýnir það
giöggt hve þörfin er mikil fyrir þau.
Síðastliðin tvö vor hafa garðyrkjunemendurnir
einnig unnið að gróðursetningu trjáplantna í skógin-
um í fjallshlíðinni. Voru trjáplönturnar sendar hing-
að fyrir milligöngu Árna G. Eylands og Slcógræktar-
félags íslands. Síðastliðið vor komu hingað þeir
norski skógfræðingurinn Nordal G,rieg og Hákon
Bjarnason skógræktarstjóri og kenndu nemendun-
um gróðursetningaraðferð sem áður var óþekkt hér.
f ágústmánuði 1938 fór ég um Austur-Skaftafells-
sýslu, til að athuga jurtasjúkdóma, einkum í kartöfl-
um. Kom ég í hvern einasta garð, á hverjum hæ, í
Lóni, i Nesjum, á Mýrum og í samlagsgarð Suður-
sveitinga, Sævarhólum; og i Nesjunum 2 umferðir.
Fann ég á Mýrum og í Nesjum kartöflumyglu á
byrjunarstigi á nokkrum stöðum, og kenndi garðeig-
endum að þekkja hána og aðra sjúlcdóma sem óg varð
var við. Ekki hafði verið gengið úr skugga um að
„mygla“ hefði verið á kartöflum þar í sýslu fyr; enda
þótt sterkur grunur væri um það. — Brugðust garð-
eigendur þar vel við og slógu kartöflugrasið hlífðar-
laust niður samkvæmt ráði mínu, þar sem ég varð
myglunnar var, og mun það hafa orðið til þess að lílil
brögð urðu að skemmdum af hennar voldum, í þetta
sinn. En mikið er í húfi þar, því í Austur-Skaftafells-
sýslu eru nú hinir stærstu samfelldu kartöfluakrar
sem til eru á landinu. Munu eigendur þeirra og hafa
skilið af þessu, að ekki nær neinni átt að hafa af-
hrigðin sem næmust eru fyrir myglu í ökrum.sínum
eða görðum, en „bleikar íslenzkar" voru þar allt of
víða og. fann ég myglusveppina hvergi nema á þeim.