Búnaðarrit - 01.01.1939, Page 122
118
B Ú N A Ð A R R 1 T
staður nýrri klakstöð (í'lotstöð) skammt frá Geit-
eyjarströnd.
Þá athugaði ég ásamt Jónasi Jónssyni alþingismanni
skilyrði fyrir fiskivegi í Mýrahvisl í Reykjahverfi, svo
fiskgengt verði upp í Langavatn og upp yfir Brúar-
fossa í Laxá. Mun það verða næsta verk, sem gert
verður fyrir laxræktina í Þingeyjarsýslu á næstunni.
Einnig skoðaði ég laxalagnir á Laxamýri, sem út af
varð nokkur rekistefna.
22. júní byrjuðum við Páll Kristinsson klakmaður,
að flytja seiði frá klakstöðinni, í Djúpá, Fnjóská,
Eyjafjarðará og Laxá. Var því lokið þann 26.
30. júní íor ég heimanað, var svo um talað síðast-
liðinn vetur, að ég skyldi fara ferð um Austurland.
Hefi ég skýrt frá því ferðalagi í „Tímanum“ nú í haust
og læt nægja að vísa til þess. Heim kom ég 23. júlí.
4. ágúst fór ég áleiðis til Reykjavíkur, skyldi ég
hefja þaðan ferð um Dala- og Barðastrandasýslu. Á
suðurleið fór ég inn í Vatnsdal til móts við Englend-
inga þá sem leigja Vatnsdalsá og Fnjóská. Þurftu þeir
margt við mig að tala viðvíkjandi Fnjóská, svo og
spyrja um Miðfjarðará sem þeir höfðu hug á að leigja.
I Rvík þurfti ég að inæta á fundi Veiðimálanefndar,
svara bréfum o. fl.
13. ágúst fór ég norður að Staðarhakka í Miðfirði
til að vera á fundi með nefnd sem vinnur þar að
veiðimálum við ána. Þar var og staddur Englending-
ur, Mr. Fortesue, leikur honum hugur á að fá ána
leigða. Af fundinum fór ég fram að Kollufossi til að
skoða hann og allt Vesturárgil. Eru þarna þrjár
gönguhindranir sem gera þarf við, og með því lengja
gönguleið laxins um 30—40 km. Þetta er ekki mikið
verk, en afar gott fyrir fiskistol'ninn og veiðina i Mið-
fjarðará.
Ur Miðfirðinum fór ég suður aftur og hyrjaði þá
ferð um Vesturland eins og ákveðið hafði verið. Frá