Bjarmi - 01.06.2004, Blaðsíða 22

Á döfinni í sumar
Eins og oftast áður er boðið upp
á kristileg mót og samverur fyrir
fólk sem hefur tækifaeri og vilja
til að koma saman og uppbyggj-
ast í samfélagi hvert við annað.
Kristniboðsmót á Löngumýri
Helgina 16.-18. júlí heldur Kristni-
boðssambandið árlegt fjölskyldu-
og kristniboðsmót í Löngumýrar-
skóla í Skagafirði. Kristniboðssam-
bandið stendur fyrir mótinu sem
er öllum opið. Dagskráin veröur
fjölbreytt að vanda og er fyrir alla,
börn jafnt sem fulloröna. Biblíu-
fræðsla og fréttir af starfinu í um-
sjá séra Helga Hróbjartssonar
kristniboða munu m.a. setja svip
sinn á dagskrána.
Á Löngumýri er hægt aö panta
gistingu í skála en einnig er þar
fallegt og skjólgott tjaldstæði sem
hentar bæöi fjölskyldum og ungl-
ingum. Vinsæl heit busllaug er í
garðinum og stutt til margra
skemmtilegra staða ef fólk vill
njóta norðlenskrar náttúru. Öll
þjónusta er á næsta leiti. Skráning
fer fram hjá staðarhaldara i síma
453 8116, bréfasími 453 8808.
Sæludagar um
verslunarmannahelgina
Eins og undanfarin ár efna Skóg-
armenn KFUM til fjölskylduhátíðar
í Vatnaskógi um verslunarmanna-
helgina. Þar verður að venju fjöl-
breytt dagskrá tengd útivist og
umhverfi staðarins, kvöldvökur að
hætti Vatnaskógar, biblíufræösla,
lofgjörðarstund, guðsþjónusta og
bænastundir. Sérstök dagskrá
verður fyrir börn og unglinga. Góð
tjaldstæði eru á staðnum en
einnig er unnt að fá gistingu inni.
Með ári hverju er aðstaðan bætt
en mótið er öllum opið. Nánari
upplýsingar eru veittar á skrifstof-
unni í sima 588 8899.
Sumarmót hvítasunnumanna
Annars vegar verða hvítasunnu-
menn með sumarmót á Vopnafirði
síðustu helgina í júní og hins veg-
ar er boðaö til hins árlega Kot-
móts um verslunarmannahelgina í
Kirkjulækjarkoti í Fljótshlíö. Þar
verður fjölbreytt dagskrá i boöi
fyrir börn, unglinga og fullorðna.
Áhersla verðurá biblíufræöslu,
lofgjörð og samfélag. Nánari upp-
lýsingar fást á skrifstofu safnaðar-
ins, 535 4700.
Gospelmót í Kirkjulækjarkoti
Helgina 23.-25. júli verður haldið
gospelmót í Kirkjulækjarkoti undir
stjórn Óskars Einarssonar tónlist-
arstjóra. Verður mótið á svipuðum
nótum og samsvarandi mót í fyrra
sem þótti takast afburðavel og
voru allir þátttakendur, sem komu
úrýmsum áttum og landshlutum,
mjög ánægðir. Markmiðið er að
hvetja og styrkja fólk til gospel-
söngs í ríkari mæli.
Fjölskylduvika
og mót á Háraði
íslenska Kristskirkjan boöar til
fjölskylduviku dagana 16.-23 júní
á Eyjólfsstöðum á Héraði undir yf-
irskriftinni „Lífsleikni - tökum enn
meiri framförum.'' Stuðst verður
við fræðsluefni frá Bandaríkjun-
um. Fræðslan veröur á morgnana
og meiri frjáls tími eftir hádegi.
Kvöldvökur verða fyrir fjölskylduna
á kvöldin og síðan samfélag full-
orðinna eftir það. Um verslunar-
mannahelgina verður árlegt fjöl-
skyldumót á sama stað þar sem
saman fara leikir og létt gaman
ásamt biblíufræöslu og samfé-
lagsstundum með lofgjörð og fyr-
irbæn. Nánari upplýsingar eru í
síma 471 2171.
Mót aóventista
í Hlíðardalsskóla
Árlegt mót Sjöunda dags að-
ventista verður í Hlíðardalsskóla í
Ölfusi um verslunarmannahelgina.
Fjölbreytt dagskrá verður i boði
fyrir alla fjölskylduna frá föstu-
dagskvöldi fram yfir hádegi á
mánudag. Aöalræðumaður móts-
ins verður Guðmundur Ólafsson
sem kemur frá Bandaríkjunum.
Nánari upplýsingar er að fá á
skrifstofu kirkjunnar í sima 588
7800 að undanskilinni sumarlokun
frá 28. júní til 22. júlí.
Biblíunámskeið
í Reykjavík í ágúst
Biblíuskólinn við Holtaveg heldur
biblíunámskeið í húsi KFUM og
KFUK viö Holtaveg í Reykjavík
dagana 16.-19. ágúst. Námskeið-
inu verður skipt í tvo hluta, þan-
nig að þau sem það vilja geta tek-
iö tvo fyrri dagana, þar sem þrjú
fög verða í boði, eða tvo seinni
dagana sem kennt verður náðar-
gjafanámskeið Willow kirkjunnar í
Bandaríkjunum. Nánari upplýsing-
ar eru á vefsíðu skólans:
www.bibliuskoli.krist.is.
22