Búnaðarrit - 01.01.1944, Page 64
LVIII
B Ú N A Ð A R R I T
Heklusýn.
Gunnlaugur Kristmundsson sandgræðslustjóri var
einn meðal þeirra manna, sein Sigurður hafði mestar
mætur á. Þeir áttu mörg spor saman. 1 grein, sem
Gunnlaugur hefur skrifað um Sigurð, segir hann m.
a. svo frá:
„Eftir að Sigurður Sigurðsson varð forseti Búnað-
arfélags Islands, kom skriður á sandgræðslumálin,
og hækkuðu fjárveitingar á 10 árum úr 6 þúsund upp
í 50 þúsund kr. (árið 1930). Hann sá og skildi fljótt
starfsemi sandgræðslunnar og taldi liana eitt merk-
asta málið, sem Búnaðarfélag íslands hefði afskipti
af. Hann þurt'ti að skoða sandgræðslusvæðin. Þess
vegna ferðaðist hann um þau, og eru mér minnistæðar
ýmsar ferðir, sem ég fór með honum.
18. júní 1923 fór ég með Sigurði og fleira fólki úr
Landsveit lil Heklu. Það var norðan kaldi og dálítið
moldrok, en ekki svo, að byrgði fyrir útsýnið. Vind-
inn herti, er á daginn leið og komið var upp í fjallið,
enda hvassara þar en niðri á láglendinu. Skýjafar
var i lofti, og rak þokuna frá annað slagið, en syrti
að á milli. Þegar upp á Heklu kom, voru fannir mikl-
ar, veður hvasst, kalt og á fannbreiðunum skafrenn-
ings harðneskja. Samferðafólkinu þótti veðrið slæmt
og taldi ekki gerlegt að klífa upp á hæstu tinda fjalls-
ins. En Sigurður var á öðru máli. Að lokum varð
samferðafólkið eftir, en við héldum tveir áfram upp
fjallið. Varð brátt svo hvasst, að ekki var stætt á
harðfenninu. Síðasta áfangann upp fjallið í skafhríð-
inni urðum við að skríða. Loks komumst við alla leið
upp á tindinn. Sló þá þokunni frá, og höfðum við
gott skyggni nokkra stund.
Þessi ferð er mér minnisstæð, enda er ])að í eina
skij)lið, sem ég hefi komið uj)j) á Heklutind. Hefði
ekki farið þangað í þetta sinn, ef ég hefði ekki verið