Búnaðarrit - 01.01.1944, Side 95
BÚNAÐARRIT
27
að lengd og áætlað rými hans 50 þúsund rúmmetrar.
Af skurðinum er lokið að grafa 2.09 km og er rými
þess, sem grafið hefur verið, 14792 m3. Stærð engja-
landanna þarna eru 777.80 ha, en af því kemur vænt-
anlega undir áveitu rúmir 000 ha. Af því landi var
mælt og kortlagt í sumar 125.00 lia.
4) Mælingar i Svarfaðardal. Þar voru mæld engi
jarðanna Sökku, Skáldalækjar, Valla, Ölduhryggs og
Hánefsstaða. Engi þessi eru votlend, en geta öll verið
véltæk, og eru möguleikar til að koma á þau áveitu
frá Svarfaðardalsá. Flatarmál engjanna er 100 ha.
Þá voru mældar upp engjar Grundar í Svarfaðardal
norðan árinnar. Reyndist ekki l'ramkvæmanlegt, að
veita Svarfaðardalsá á engjarnar, en mikill hluti þessa
lands liggur mjög vel við til túnræktar í stærri stíl,
ef landið væri framræst. Það er ekki að fullu búið að
vinna úr mælingum þessum, svo enn liggur ekki fyrir,
hverjar landstærðir eru, sem væntanlegar umbætur
ná til.
Ýmsar mælingar, bæði vegna tún- og engjaræktar,
voru framkvæmdar á 0 öðrum jörðuin i Svarfaðar-
dal.
5) Akranes. Samkvæmt ósk Ólafs Björnssonar,
er þá var settur bæjarstjóri á Akranesi, átti ég við-
ræður við jarðræktarnefnd Akraneskaupstaðar í
febrúarmánuði, um meðferð og notkun Garðalands.
Lagði til við hæjarstjórn, að landið yrði ræst fram
til beitiræktar, og l'ramræslan yrði gerð með þeim
hætti, að fullnaðarþurrkun fengist á landinu til tún-
ræktar. Jafnframt var gengið frá því, að bæjarstjórn
óskaði eftir að fá skurðgröfu leigða frá ríkinu til
framkvæmdanna. Eftir að hún var fengin, mældi ég
fyrir þeim mannvirkjum, er unnið var að ]neð henni
i sumar og gerði heildaráætlanir um fyrirkomulag
framræslunnar á 155 ha. Hin áætlaða lengd opinna
skurða er 20.0 km og heildarrými þeirra er 99500 m3.