Búnaðarrit - 01.01.1944, Page 230
162
BÚNAÐARRIT
XII.
Þetta er orðið lengra mál, en ég bjóst við í upphafi.
Ég hef viljað nieð ritgerð þessari gefa yfirlit um þá
löggjöf, sem við eigum nú við að búa varðandi húsa-
gerð í sveitum, og hvað áunnizt hefur um að bæta
liúsakynni þar. Löggjáfarvaldið liefur látið þessi mál
allmjög lil sín taka, allt frá 1928 að lögin um bygg-
ingar- og landnámssjóð voru sett.
Árangur hefur einnig orðið mikill. Ætla má að
búið sé að byggja varanleg, sæmilega góð íbúðarhús.
á meira en annari hvorri jörð i landinu. Þó eru enn
yfir 2000 býli, sem hafa svo lélegan húsakost að lítt
er viðunandi, og alls eklci til langframa. Mikið og
vandasamt verkefni er því framundan, verkefni, sem
krefur mikilla fjárframlaga og mikillar kunnáttu, ef
sæmilega á að takast.
Til þess að ná því rnarki, sem við höfum sett oklc-
ur, að endurreisa íbúðarhús á ca. 2500 býlum á næstu
10—15 árum, auk þeirra framkvæmda, sem gera þarf
í nýbýlamálum, þarf að takast góð samvinna milli
allra þeirra aðila, sem hér eiga hlut að máli. Það er
þeirra sem ákveða fjárveitingar til byggingarfram-
kvæmda, teiknistofu landbúnaðarins og siðast en ekki
síst góð samvinna lántakenda sjálfra við þessa aðila,
sem fyrir þá starfa að þessum málum. Með sameigin-
legu átaki þeirra, sem hér eiga hlut að máli, er ég
sannfærður um að okkur tekst að framkvæma þetta
mikla hagsmuna og menningarmál landbúnaðarins.