Heilbrigðismál - 01.06.1977, Blaðsíða 22

drif þessa frumvarps urðu þau að
það dagaði uppi í nefnd.
íjanúar 1975 varfrumvarpið enn
lagt fram en í breyttri mynd á ýms-
an hátt. Meðal annars var ekki gert
ráð fyrir að fóstureyðingar yrðu
heimilaðar samkvæmt ósk kon-
unnar einnar. Frumvarp þetta var
samþykkt nær óbreytt og varð að
lögum 22. maí 1975.
Hvenær má fram-
kvæma fóstureyðingu
Fóstueyðing er, samkvæmt nýju
lögunum, læknisaðgerð sem kona
gengst undir í því skyni að binda
enda á þungun áður en fóstrið hef-
ur náð lífvænlegum þroska. Fóst-
ureyðing er heimil í eftirfarandi
tilvikum:
1. Félagslegar ástœður. Þegar
ætla má að þungun og tilkoma
barns verði konunni og hennar
nánustu of erfið vegna óviðráðan-
legra félagslegra ástæðna. Við slík-
ar aðstæður skal taka tillit til eftir-
farandi:
a. Hafi konan alið mörg börn með
stuttu millibili og skammt er liðið
frá síðasta barnsburði.
b. Eigi konan við að búa bágar
heimilisástæður vegna ómegðar
eða alvarlegs heilsuleysis á heim-
ilinu.
c. Þegar konan getur ekki, vegna
æsku og þroskaleysis, annast barn-
ið á fullnægjandi hátt.
d. Taka skal tillit til annarra
ástæðna séu þær fyllilega sam-
bærilegar við ofangreindar
ástæður.
2. Lœkmsfrœðilegar ástæður.
a. Þegar ætla má, að heilsu konu,
líkamlegri eða andlegri sé hætta
búin af áframhaldandi meðgöngu
og fæðingu.
b. Þegar ætla má, að barn, sem
konan gengur með, eigi á hættu að
fæðast vanskapað eða haldið al-
varlegum sjúkdómi vegna erfða
eðasköddunar í fósturlífi.
c. Þegar sjúkdómur, líkamlegur eða
geðrænn dregur alvarlega úr getu
konu eða manns til að annast og ala
upp barn.
3. Nauðgun. Ef konu hefur verið
nauðgað eða hún orðið þunguð
sem afleiðing af öðru refsiverðu
atferli.
Fóstureyðing skal framkvæmd
eins fljótt og auðið er og helst fyrir
lok 12. viku meðgöngutímans.
Fóstureyðing skal aldrei fram-
kvæmd eftir 16. viku meðgöngu-
tímans, nema fyrir hendi séu ótví-
ræðar læknisfræðilegar ástæður og
lífi og heilsu konunnar sé stefnt í
því meiri hættu með lengri með-
göngu og/eða fæðingu. Einnig skal
fóstureyðing leyfileg eftir 16. viku
séu miklar líkur á vansköpun,
erfðagöllum eða sköddun fósturs.
Slíkar undanþágur eru aðeins
heimilar að fenginni skriflegri
heimild nefndar, sem starfar sam-
kvæmt 28. grein laganna.
Áður en fóstureyðing má fara
fram verður að liggja fyrir skrifleg,
rökstudd greinargerð tveggja
lækna, eða læknis og félagsráðgjafa
sé eingöngu um félagslegar ástæður
að ræða. Annar þessara lækna
verður að vera sérfræðingur í
kvensjúkdómum eða almennum
skurðíækningum við það sjúkrahús
þarsem aðgerðin fer fram, en hinn
að jafnaði sá læknir eða félagsráð-
gjafi, sem ráðlagt hefur konunni að
leita sjúkrahúss þessara erinda.
Einungis læknar mega fram-
kvæma fóstureyðingu og aðeins á
sjúkrahúsum sem ráðherra hefur
viðurkennt í þessu skyni.
Fóstureyðingar eru heimilar hér á landi með vissum skilyrðum að tólftu viku
meðgöngu og jafnvel allt að sextándu viku. Á þessari mynd sést elleiu vikna
fÓStur. L|ósm.: Lennart Nilsson.
22
FRÉTTABRÉF UM HEILBRIGÐISMÁL